Военно-патриотическай этэрээт «Десант» уонна «Үктэл» оҕо түмсүүтүн хайысхатынан, сааскы күн волонтерскай үлэбитин саҕалаатыбыт. Бастакынан кимиэхэ үлэлиэхпитин сөбүн олохтоох дьаһалтаҕа тахсан, билсэн бараммыт үлэбитин аҕам саастаах дьоннорбутугар Ирина Дмитриевна Гороховаҕа уонна Василий Николаевич, Наталья Афанасьевна Слепцовтар дьиэ кэргэнигэр оскуолабыт 5-тэн 11-с кылаас үөрэнээччилэрин уолаттара буолан хаар уонна муус таһыытын үлэтин оҥордубут.
Дьоммут үөрбүт харахтарын, махтал тылларын истэн, кинилэргэ үлэлээбит оҕолор үөрэн-көтөн сарсыҥҥы күнү кэтэһэ дьиэлэрин диэки күлэ-үөрэ, кэпсэтэ бардылар. Наталья Афанасьевна махтал суругун тутан күммүт туһалаахтык ааспытыттан үөрдүбүт. Аҕам саастаах дьоммутун үөрдүбүппүтүттэн, кинилэргэ туһалаабыппыттан тэҥҥэ үөрсэбит.
Илларион Старостин,
X кылаас,
Арыылаах орто оскуолата, Дьааҥы