“Азия оҕолоро” спортивнай оонньууларга уолаттарга волейбол күрэхтэһиитигэр көрөөччүлэр ортолоругар сахалыы таҥастаах дьон элбэхтэрин бэлиэтии көрдүм. Онон сирдэтэн кинилэр туох санааттан сахалыы таҥастаах кэлбиттэрин туһунан ыйыталастым.
Римма Стручкова Нам улууһуттан сылдьар.
– “Азия оҕолоро” оонньууларыгар уолаттарбытыгар ыалдьа кэллибит. Тоҕо сахалыы таҥынныбыт диэн этэр эбит буоллахпытына, биһиги, саха дьоно биир сомоҕо күүс буоларбытын уонна волейболу сөбүлүүрбүтүн, волейбол туһугар ыалдьарбытын көрдөрөбүт, – диэн кини санаатын үллэһиннэ.
Онон саха таҥаһа ыһыахха эрэ буолбакка, спортивнай күрэхтэһиилэргэ эмиэ норуот быһыытынан уратыбытын, биир санаалаахпытын көрдөрөр.
Алена КСЕНОФОНТОВА, VII кылаас, Хадаар, Чурапчы,
“Азия оҕолоро” оҕо пресс-киинин юнкора