«Стерх» спортивнай комплекска уолаттарга волейбол күрэхтэһиитэ саҕаланна! https://vk.com/video-199463452_456241798?access_key=6457b4a942f3ec2f90 Күрэхтэһиини Узбекистан уонна Киргизия хамаандалара саҕалаатылар. Волейбол күрэхтэһиитэ от ыйын 6 күнүгэр диэри ыытыллыаҕа.
Спорт бу көрүҥэ “Азия оҕолорун” программатыгар 2000 сыллаахха иккис оонньуулартан саҕалаан киирбитэ.
Күрэхтэһии кылаабынай сэкэрэтээрэ Евгений Владимирович Попов иһитиннэрбитинэн, волейболга уолаттарга 9 хамаанда кыттыыны ылар. Уопсай кыттааччы ахсаана – 105.
Тас дойдулартан Узбекистан, Киргизия, Казахстан, Палестина государствота кыттыыны ыла кэлбиттэр. Ону таһынан Беларуссия республикатын сүүмэрдэммит хамаандата дойдутун чиэһин көмүскүөҕэ.
Россия чиэһин Дальнай Восток, Уральскай, Сибирскэй федеральнай уокуруктар уонна Саха өрөспүүбүлүкэтэ көмүскүөхтэрэ.
Күрэхтэһии кылаабынай судьуйатынан Бүтүн Россиятааҕы категориялаах судьуйа Сергей Андреевич Синиченко үлэлиир.
Волейболу таптааччылары бу күннэргэ чахчы чаҕылхай түгэннэр күүтэллэр!
Алена ТАППЫРОВА, VI кылаас, Уолба, Таатта,
“Азия оҕолоро” пресс-киин юнкора