“Азия оҕолоро” VIII спортивнай оонньуулар уолаттарга уонна кыргыттарга волейболга күрэхтэһиитин түмүктүүр киирсиилэрэ бүгүн, от ыйын 6 күнүгэр “Стерх” спортивнай комплекса ыытыллар.
Уолаттарга 9 хамаанда кыттыбытыттан, бастакы миэстэ иһин Беларусь өрөспүүбүлүкэтин уонна Сибирскэй Федеральнай уокурук хамаандалара киирсиэхтэрэ. Үһүс миэстэни Казахстан уонна Узбекистан хамаандалара былдьаһыахтара.
Кыргыттарга 8 хамаандаттан бастакы миэстэ иһин Беларусь өрөспүүбүлүкэтин уонна Уральскай Федеральнай уокурук хамаандалара оонньуохтара. Онтон Узбекистан уонна Сибирскэй Федеральнай уокурук хамаандалара үһүс миэстэ иһин киирсиэхтэрэ.
Кыайыы соргута ханнык хамаандаҕа тосхойуо дии саныыгыт? Күүтэбит!
Света ЗАРОВНЯЕВА, Вадим КОЛЕСОВ, Х кылаас, Хайахсыт, Чурапчы
“Азия оҕолоро” оҕо пресс-киинин юнкордара