Күрэхтэһии кэмигэр доруобуйаҕа кутталлаах араас эчэйии барыта буолуон сөп. Онно бастакынан көмөнү оҥорор дьон – медиктэр.
Виктор Владиславович Владимиров – спортивнай медицинэ фельдшерэ. Саха өрөспүүбүлүкэтин үөрэнээччилэрин Сайыҥҥы спартакиадатыгар көҥүл тустуу күрэҕэр фельдшеринэн үлэлээтэ.
– Күрэхтэһиилэргэ оҕолор үксүгэр муннуларын хаана кэлэр, санныларын эчэтэллэр. Үлэлээбитим тухары, барыта этэҥҥэ, улахан эчэйии тахса илик. Инникитин да оннук буолуо диэн күүскэ эрэнэбин. Хас сырыы аайы күрэхтэһиилэргэ оҕолор эчэйбэтиннэр диэн санаалаах кэлэбин. Тустуу ситиһиини, үүнүүнү-сайдыыны аҕаллын, – диэн медик санаатын үллэстэр.
Виктор Владиславович фельдшер идэтин баһылаан баран, балыыһаҕа үлэлии сылдьыбыт. Онтон спортивнай медицинаҕа кэлбит.
– Бэйэм спордунан күүскэ дьарыктаммаппыт эрээри, сарсыарда аайы сүүрэбин, – диир.
Алена Ксенофонтова,
«Кэскил» медиа-оскуола юнкора, Хадаар, Чурапчы
.