«Оценка состояния ценопопуляций валерианы очереднолистной (Valeriana alternifolia Ledeb.) окрестностей с. Амга Амгинского улуса Республики Саха (Якутия)» диэн бырайыактыыр үлэбэр «валериана очереднолистная» диэн эмтээх үүнэйини, Амма улууһун Кэриэстээх хочотугар, икки сыл кэтээн көрөн чинчийдим.
Кэтээн көрөөһүммэр, үүнэйи морфологическай суолтатын, ханна үүнэрин, хайа кэмҥэ сөптөөхтук хомуйалларын үөрэттим. Мин чиҥчийбит валериана отум сүрэх ыарыыларыгар, тымыр кыарааһыныгар, эт-сиин күрүүлэрин намырытар, уоскутар суолталаах эбит. Төрөөбүт дойдубутугар үүнэр эмтээх оттору, сөптөөх кэмигэр хомуйан, хатаран, эмп оҥостон доруобуйабытын бөҕөргөтүнүөхпүтүн сөп эбит диэн түмүккэ кэллим.
Мин бу бырайыакпынан 2023 сыллаахха Москва куоракка «АПК — Молодежь, Наука, Инновации» диэн Арассыыйатааҕы күрэххэ кыттан, 1-кы истиэпэнээх Дипломунан уонна Санкт-Петербург куоракка «Юность. Наука. Культура – Север» диэн Арассыыйатааҕы күрэххэ 1-кы истиэпэнээх Дипломунан наҕыраадыламмытым. Бу үөрэх дьылыгар Международный форум научной молодежи «Шаг в будущее» диэн Аан дойдутааҕы ыччат билим форумугар, Россия киин куоратыгар 1-кы истиэпэнээх Дипломант үрдүк аатын ылан олус үөрбүтүм.
Ситиһиилэрбэр кынаттаабыт, көмө-тирэх буолбут учууталбар, Яковлева Алена Викторовнаҕа улахан махталбын тиэрдэбин.
Алена Новикова, XI кылаас, академик Л.В. Киренскэй аатынан Амма лиссиэйэ