В. П. Ларионов аатынан Майа орто оскуолатын 9 «а» кылааһын уолаттара Д. Ф. Ходулов аатынан театр эр дьонун кытта соҕотох хаалбыт кырдьаҕастарга, тыыл бэтэрээннэригэр анаан муус ылыытыгар үлэлээтилэр.
Кылаас салайааччыта: Александра Романовна Гаврильева.
Мундулаах күөлүттэн ылыллыбыт мууһу 26 ыалга түҥэтиллэр.
Уолаттар туһалаах субуотунньукка кыттан, кыстыкка бэлэмнэнии төрүт үгэһин биир тутаах көрүҥэр үөрэннилэр. Муус ылыыта туспа хаамыылаах, анал тэриллээх сыралаах үлэ буоларын эттэринэн-хааннарынан билэн, үгүскэ үөрэннилэр.