Кыайыы 80 сылыгар, Арассыыйаҕа Аҕа дойдуну, Саха өрөспүүбүлүкэтигэр Ийэ дойдуну көмүскээччилэр сылларыгар аналлаах тэрээһиннэр биһиги улууспутугар ситимнээхик ыытылла тураллара.
Биир оннук тэрээһининэн саха оҕотун академическай хорун бастыкынан төрүттээбит «Кэнчээри» ансаамбыл салайааччыта Василий Степанович Парников 80 сааһыгар аналлаах «Кэнчээри ыччаты кэрэҕэ уһуйан» диэн улуус оскуолаларын икки икки ардыларыгар күрэх буолар.
Уопсайа улууспут үөрэх кыһаларын үс бөлөҕүнэн арааран сыаналаатылар. Лөгөй лиссиэй-интэринээт бастакы бөлөххө киирэн, алта улахан оскуолалары кытта күөн көрүстүбүт. Күрэх ирдэбилинэн, кэнсиэр быһыытынан ыытыллан бэлэмнэммит нүөмэрдэри сыаналаатылар. Дьүүллүүр сүбэ састаабыгар култуура бэтэрээнэ, Саха өрөспүүбүлүкэтин култууратын туйгуна, «Гражданскай килбиэн» бэлиэ хаһаайката, Мүрү нэһэлиэгин бочуоттаах олохтооҕо Мария Алексеевна Копырина, «Өркөн» оҕону эбии үөрэхтээһинин киинин методиһа, Саха өрөспүүбүлүкэтин ыччакка политикатын туйгуна Галина Петровна Матвеева, үөрэх управлениетын иитиигэ уонна эбии үөрэхтээһиҥҥэ сүрүннээччитэ Ирина Егоровна Сивцева бааллар.
Күрэх олунньу 14 күнүгэр Бүөтүр Оҕотоойоп аатынан Кэптэнитээҕи сынньалаҥ киинигэр үрдүк таһымҥа ыытылынна. Лиссиэйбит оҕолоро олус кыһанан ырыа, үнкүү, сценка, олоҥхо күргүөмүнэн бэлэмнээн бочуоттаах 3-с миэстэни ылары ситистибит.
Дириҥ махталбытын нэһилиэкпит олохтоохторугар, лиссиэйбит кэлэктиибигэр тиэрдэбит. Кэнсиэргэ кэлэн оҕолор бэлэмнээбит нүөмэрдэрин ытыс дохсун тыаһынан киэргэтэргит биһигини олус үөрдэр.
Янис СЫСОЛЯТИН, VII кылаас,
«SiTiM LegMedia» юнкора, Лөгөй лиссиэйэ, Уус Алдан