Үөһээ Бүлүү Ороһу нэһилиэгэр «Иэйиэхсит» оҕо бөлөҕөр сылдьыбыт медицинскэй институт устудьуона Валерия Михайлова, М.К. Аммосов аатынан ХИФУ информационнай-технологическай колледжын устудьуона Иранна Фёдорова кыһыҥҥы өрөбүллэригэр кэлэ сылдьаннар, биһиэхэ, иэйиэхситтэргэ, бириистээх оонньуу оонньотоннор үөрдүбүт аҕай!
Бэйэбит иккилии көрдөөх оонньууну толкуйдаан кэлбиппит. Икки чаас устата тохтоло суох оонньоон, бириис ылан, үөрүү аргыстаах дьиэбитигэр тиийэн төрөппүттэрбитигэр үөрүүбүтүн үллэстибиппитигэр, төрөппүттэрбин эмиэ үөрэннэр, үөрүүбүтүгэр үөрүү эбиллибитэ.
Маны таһынан, төрөппүттэрбит минньигэс, утах тутуурдаах ыытаннар, «минньигэс остуол» тэринэммит, оонньуурбут быыһыгар аһаан ылбыппыт.
Валерияҕа, Ираннаҕа баһыыбалыыбыт. Кэлэр сылга эмиэ оонньуу ыытыахтара диэн бүк эрэллээхпит.
«Иэйиэхсит » оҕо бөлөҕө, Ороһу.