Дьокуускай куорат 17 нүөмэрдээх орто оскуолатыгар үгэс буолбут «Туймаада Уолана -2026» күрэх быйыл кулун тутар 3 күнүгэр ыытылынна. Ханнык баҕарар омук инники кэскилэ ыччат, онтон норуоту хамсатар күүһүнэн уол оҕо буолар. Сахалар урут- уруккуттан уол оҕону эт-хаан өттүнэн сайдыылаах, кыахтаах буоларын туһугар кыра эрдэҕиттэн төрут оонньуулар көмөлөрүнэн эрчийэллэрэ. Бу күрэх уол оҕону иитиигэ улахан суолталаах буолар.
Күрэххэ 9 кылаастан 11 кылааска диэри талыллан 14 уол күөн көрүстүлэр. Барыта биэс түһүмэҕинэн ыытылынна: куобахтаан ыстаныы, кыыс эккирэтии, өһөс торбос, бэрэмэдэйдээх сүүрүү уонна мас тардыһыыта.
Хас биирдии түһүмэҕи олус кыраҕытык, эппиэттинэстээхтик дьүүллүүр сүбэ сыаналаата. Дьүүллүүр сүбэҕэ киирдилэр: Иванов Борис Анатольевич — биһиги оскуолабыт аҕа сүбэтин салайааччыта,
Друзьянов Михаил Егорович СӨ спорт сахалыы национальнай көрүҥнэригэр федерация бэрэссэдээтэлин солбуйааччы. «Туймаада Уолана» күрэҕи директорбыт Чиряев А.Н. арыйда.
Уолаттарга ситиһиини баҕаран туран, ыытыллар күрэх улахан суолталааҕын бэлиэтээтэ. Комментаторынан сылын аайы көмөлөһөр төрөппүппүт Николай Бястинов — «Тэтим» саха радиотын дириэктэрэ үлэлээтэ.
Суоттуур хамыыһыйаҕа үлэлээбиттэрэ:
- Одилбеков Артем- 17№ оскуола выпускнига, мас тардыһыыга Россия үрүҥ көмүс, Аан дойду студеннарга боруонса призера
- Иванов А. Н- оскуола дириэктэри солбуйааччыта
- Егоров А.А — математика учуутала
Тэрээһиммитин «Уран» ансаамбыл үҥкүүһүттэрэ ситэрэн- хоторон киэргэтэн биэрдилэр. (Салайааччы Юлия Левощенко, Уйгууна Иванова) Күрэх хаамыытын көрдөххө маннык түмүктэр таҕыстылар.
Бастакы » Куобах» түһүмэххэ:
1 миэстэ — Кириллин Алексей 11″А» кылааһын үөрэнээччитэ;
2 миэстэ — Кычкин Семён 9″Г» кылааһын үөрэнээччитэ;
3 миэстэ — Аввакумов Тимур 9″В» кылааһын үөрэнээччитэ;
Иккис » Кыыс эккирэтии» түһүмэххэ:
1 миэстэ — Кычкин Семён 9″Г»
2 миэстэ — Наумов Айдын 11″Г»
3 миэстэ — Никифоров Владимир 10″А»
Үһүс «Өһөс торбос» түһүмэххэ:
1 миэстэ — Тарский Айсиэн 11″А»
2 миэстэ — Саввин Айаан 11″Г»
3 миэстэ — Наумов Айдын 11″Г»
Төрдүс «Бэрэмэдэйдээх сүүрүү» түһүмэххэ:
1 миэстэ — Кычкин Семён 9″Г»
2 миэстэ — Кычкин Саян 10″А»
3 миэстэ — Наумов Айдын 11″Г»
Бүтэһик саамай тыҥааһыннаах түһүмэх «Мас тардыһыыта» буолар.
1 миэстэ — Саввин Айаан 11″Г»
2 миэстэ — Тарский Айсиэн 11″Г»
3 миэстэ — Наумов Айдын 11″Г»
Күрэх иннинэ макс сыһыарыы көмөтүнэн ыытыллыбыт куол астааһын түмүгүнэн «Көрөөччүлэр биһирэбиллэрин» диэн ааты 9 «Б»кылааһын үөрюнээччитэ Малышев Сулустаан ылбыта. Тыҥааһыннаах күрэх уопсай түмүгүнэн 9 «Г» кылаас үөрэнээччитэ Кычкин Семен кыайыылааҕынан таҕыста. Иккис миэстэҕэ Наумов Айдын, үһүс миэстэҕэ Кычкин Саян тахсан кыайыы өрөгөйүн биллилэр.
Ким күүстээх, кыахтаах, түргэн, сымса, үчүгэй бэлэмнээх ол кыайыылааҕынан таҕыста. Кыттыбыт уолаттарбытыгар тулуур-дьулуур спорт бырааһынньыгын бэлэхтээбиттэригэр олус махтанабыт.
Тая ОЛЕСОВА, Яна ВАСИЛЬЕВА
Дьокуускай куоратын 17№ орто оскуолатын IX «В» к ылааһын үөрэнээччилэрэ
keskil14.ru