Кэбээйи киэн туттар выпускниктара, ХИФУ профессора, техническэй наука доктора Алексей Егорович Местников,педагогическай наука кандидата Аксиния Дмитриевна Обутова уонна Эверстовтар педагогическай династияны салҕааччы, РФ уопсай үөрэхтээһинин бочуоттаах үлэһитэ Анна Обутова көҕүлээһиннэринэн, Кэбээйи орто оскуолатыгар 2022 с. аан маҥнайгы физико-математическай хайысхалаах университетскай кылаас арыллыбыта.
Быйыл 12 выпускник ситии-хотуу аттестатын тутан Өрөспүүбүлүкэ уонна Арассыыйа араас муннуктарынан техническай идэлэри баһылыы турунуохтара. Выпускниктары 3 сыл устата ХИФУ преподавателлэрэ физика, математика предметтэрин дириҥ хорутуулаахтык үөрэттилэр, ону таһынан «проектная деятельность” диэн эбии чааска чинчийэр үлэнэн дьарыктаннылар. Оҕолору кылаас салайааччыта Терехова Майя Анатольевна уонна директоры үөрэх чааһыгар солбуйааччы Евдокия Ильинична Терехова салайан сырыттылар.
“Тиһэх чуораан” үөрүүлээх быһыытыгар-майгытыгар оҕолор университетскай кылааска эбии үөрэппит чаастарын туоһулуур удостоверениелары туттулар. Бу удостоверениелара үөрэххэ киирэллэригэр эбии 3 баалы биэрэрин туоһулуур.
Бастакы хараҥаччыларбытыгар биир кэлим эксээмэннэрин ситиһиилээхтик туттаран, сөбүлээн талбыт идэлэригэр туттарсан киирэллэригэр баҕарабыт.
Сайаана Терехова, 10 кылаас
Кэбээйи орто оскуолата