Бу үөрэх дьылыгар биир умнуллубат үтүө түгэнинэн күһүҥҥү сынньалаҥ бириэмэтигэр «Кумах Сыһыы» баазатыгар оскуола уолаттара: мин, Кирилл Слепцов, Сарыал Колесов буолан муус аннынан балыктаан кэлбиппит буолар.
Биһигини оскуола икки үлэһитэ уонна икки үөрэтэр учууталларбыт илдьэ сырыттылар. Эбээлээх эһэм аспын бэлэмнээн, балыктыыр күөгүбүн эһэм Ылдьаа бэрийэн тэрийэн ыыппыттара. Икки «Буранынан» айаннаан барбыппыт. Буранистарбыт Андрей Ильич Мигалкин уонна Василий Нестерович Филиппов халын хаарынан сүүрдэн илпиттэрэ.
Кыһыҥҥы айылҕаны көрө-көрө айанныыр олус үчүгэй. Тиийээт салайааччыларбыт оһох оттоот, ас тэрийэн аһаппыттара. Онтон ирэн-хорон баран балыктыы барбыппыт. Бытантай үрэххэ киирбиппит. Онно учууталбыт уонна үлэһиттэр Ариан Николаевич, Василий Нестерович, Андрей Ильич ойбон алларан биэрбиттэрэ. Дьиэҕэ учууталбыт Цецен Бембеевич ас астыы, оһох отто хаалбыта.
Балыктыыр олус азаартаах, киһи улаханнык тоҥорун да билбэт эбит. Биһиэхэ дьарҕаа балык саамай күндү балыкпыт буолар. Туустаан, тоҥнуу кыһан, соркуойдаан-мииннээн хайдах баҕарар сиэххэ сөп. Киэһэ өттүгэр остуол оонньууларын оонньоон бириэмэ олус тургэнник ааспыта.
Күөх Боллох мичик гынан, бары балыктаах кэлбиппит, дьоммутун үөрдүбүппүт.
Айсен Игнатьев, Кустуур орто оскуолатын 9 кыл. үөрэнээччитэ.
Василий Филиппов хаартыскалара.