Ахсынньы ый 16 чыыһылатыгар Аллараа Бэстээххэ улуустааҕы КВН күрэҕэ буолан ааста. Күрэххэ уопсайа 8 оскуола кэлбитэ. Биһиги оскуолабыттыттан 6 оҕо барбыта.
Бастаан дьүүллүүр сүбэ хамаандалары редакциялаабыта. Ол кэннэ, хамаандалар көннөрүнэн хомуммуттарын кэннэ, бастакы түһүмэх саҕаламмыта – визитка көмүскээһинэ. Хамаандалар бары үчүгэйдик бэлэмнэнэн кэлбиттэр этэ. Биир теманы атын атыннык көрдөрдүлэр.
Иккис түһүмэх ыйытынньык этэ. Онно хамаандалар ыйытыы биэрэллэр уонна күлүүлээхтик толкуйдаан эппиэттээбиттэрэ. Биһиги бастакы ыйытыыга долгуйан эппиэттээбэккэ хаалбыппыт. Хамаандалар олус интэриэһинэй ыйытыылары толкуйдаабыт этилэр.
Үһүс түһүмэх «Музыкальнай дьиэҕэ үлэ». Сорохтор тахсан ыллаабыттара, сорохтор олоҥхоттон быһа тардыыны күлүүлээхтик оҥорон көрдөрбүттэрэ. Бары күүскэ үлэлээн, толкуйдаан оҥорбуттар этэ.
Түмүккэ: 1 миэстэ- «Чиккэстэр», Чыамайыкы орто оскуолата; 2 миэстэ- «Мэник Мэҥэлэр», В.П. Ларионов аатынан Майа орто оскуолата; 3 миэстэ — «Холбон», Аллараа Бэстээх 2 №-дээх орто оскуолата буоллулар.
![](https://keskil14.ru/wp-content/uploads/2023/12/3-1-1024x768.jpeg)
![](https://keskil14.ru/wp-content/uploads/2023/12/6-1024x768.jpg)
![](https://keskil14.ru/wp-content/uploads/2023/12/5-2-1024x768.jpeg)
Хамаандалар бары күүстээх этилэр. Сорох хамаандаҕа саҥа Саха КВН-ны кытта билсэр оҕолор бааллара. Элбэх туһалаах опыт ылбыттара буолуо дии саныыбын. Биһиги эмиэ саҥаны билэн, оҕолору кытта билсэн, бириэмэни бэрткэ атааран кэлбиппит уонна бочуоттаах бастакы миэстэни ылан, республиканскай күрэххэ барар чиэскэ тигистибит. Капитаммыт Захаров Антон «Мистер КВН», салайааччыбыт Тимофеев Николай Павлович «Лучший руководитель» номинациянан наҕараадаланнылар.
Настя Романова, VIII кылаас үөрэнээччитэ, Мэҥэ-Хаҥалас «Проба пера» корреспондена, «Чиккэстэр» КВН хамаанда чилиэнэ