Саха Өрөспүүбүлүкэтин үөрэҕириитин уонна физическэй култууратын туйгуна Василий Николаевич Слепцов анал бирииһигэр аналлаах улуустааҕы дуобат күрэҕэ буолан ааста. Күрэхтэһиигэ Элгэстэн, Чөрүмчэттэн, Баатаҕайтан, Верхоянскай куораттан кэлэн кытыннылар.
Күрэхтэһии олус тэрээһиннээхтик барда. Улахан дьону сэргэ оскуола оҕолоро эмиэ кытыннылар. Улахан кылаастарга кыргыттарга бастакы миэстэни Нарыйа Бурцева (9 кыл.), үһүс миэстэни — Рианна Кармалах (8 кыл.), иккис миэстэни — Дайаана Постникова (3 кыл.) ыллылар. Уолаттарга бастакы миэстэни 5 кылаас үөрэнээччитэ Кеша Бегишев ылла, иккис миэстэни — Ньургун Бурцев (9 кылаас), үһүс миэстэни — Эркин Старостин (9 кылаас) ыллылар.
Сыаналаах бириистэри ылан оҕолор наһаа үөрдүлэр.
Снежана Бурцева,
9-с кылаас үөрэнээччитэ «Саһарҕа» пост.