Муус устар 12 күнүгэр Таатта улууһун Г.Д.Бястинов-Бэс Дьарааһын аатынан Чымынаайы орто оскуолатыгар СӨ үөрэҕириитин туйгуна, РФ үөрэхтээһинин бочуоттаах үлэһитэ, физическай култуура уонна ОБЖ учуутала, «Уолан» байыаннай-патриотическай кулууп төрүттээччитэ, салайааччыта Митрофан Кузьмич Былахиров 60 сааһын туолар үбүлүйүөгэр аналлаах улуустааҕы байыаннай-спортивнай оонньуу ыытылынна.
Уопсайа 3 военнай-патриотическай кулууп: Уолан (Чымынаайы), Айхал (Уолба), Патриот (Харбалаах) күөн көрүстэ. Судейскай хамыһыйаны СӨ үөрэҕириитин туйгуна, СӨ үөрэҕириитин үтүөлээх үлэһитэ, Арассыыйа уопсай үөрэхтээһинин бочуоттаах үлэһитэ, подполковник, чэпчэки атлетикаҕа спорт маастара, Саха гимназиятын ОБЗР учуутала Егор Егорович Жерготов уонна «Строймонтажгрупп» учаастагын начальнига Николай Николаевич Блахиров салайдылар. Бастакы түһүмэх «Статен в строю-силен в бою!» строевой хаамыы күрэҕэ буолла.
Иккис түһүмэх военизированнай эстафета: граната быраҕыы; АК-47 толорута суох ыһыы, хомуйуу; эмсэҕэлэммити таһыы; таһаҕастаах, ботуруоннаах дьааһыгы таһыы; биатлон буолла.
Таһырдьа төһө да тыаллааҕын, хаардааҕын иһин кыттааччылар толлубакка, бэйэлэрин тулуурдарын көрдөрөн үрдүк таһымнаахтык кытыннылар.
Күрэх түмүгүнэн:
- «Лучший по строевой подготовке» анал аат: Максим Рахлеев (Уолба)
- «Лучший командир» анал аат Алик Богимов (Чымынаайы);
- «Лучший по метанию гранаты» Руслан Собакин (Уолба)
- «Лучший по разборке и сборке автомата» анал аат Артур Саввин (Чымынаайы)
- «Меткий стрелок» анал аат Алик Богимов (Чымынаайы)
Анал аат хаһаайыттарыгар Чымынаайы орто оскуолатын 2012 сыллаах выпускниктарын, Чурапчы уонна Таатта улууһун военкома Анатолий Маркинович Егоров туруорбут анал бириистэрэ туттарылынна.
Уопсай түмүккэ 3 миэстэни Харбалаахтааҕы үөрэх холбоһугун «Патриот» байыаннай-патриотическай кулууба ылан Чымынаайы орто оскуолатын 2004 сыллаах выпускниктара туруорбут анал бириистэрин уу харчынан ыллылар, 2 миэстэни ылары ситиспит Уолба орто оскуолатын «Айхал» байыаннай-спортивнай кулуубугар Былахировтар дьиэ-кэргэн туруорбут «Звезда» маҕаһыыҥҥа сертификат туттарылынна. 1 миэстэни Чымынаайы орто оскуолатын «Уолан» байыаннай-патриотическай кулууба ылан Кыайыы өрөгөгөйүн биллэ уонна Чымынаайы орто оскуолатын 2008 сыл выпускниктара туруорбут «Звезда» маҕаһыыҥҥа сертификат туттарда.
Салайааччыларга, ыҥырыылаах ыалдьыттарга анаан ытыыга СӨ спордун маастара Эдуард Аркадиевич Куприянов сыал ытыытын күрэҕин ыытта.
3 миэстэ: Ананий Парфеньевич Ананьев буолла.
2 миэстэ: «Патриот» байыаннай-патриотическай кулууп салайааччыта Владислав Сергеевич Халыев.
1 миэстэ: Митрофан Кузьмич уола Кузьма Митрофанович Былахиров ситистэ. Кыайыылаах бэйэтин бирииһин-салгын саатын үөрэммит Чымынаайы орто оскуолатыгар бэлэхтээтэ.
Күрэхтэһии олус сэргэхтик буолан ааста, кыттааччы оҕолор уонна ыалдьааччылар астынан тарҕастылар.
Байыаннай-спортивнай оонньуу түгэннэрин бу видеоҕа көрүн:
Г.Д.Бястинов-Бэс Дьарааһын аатынан
Чымынаайы орто оскуолатын юнкордара, Таатта
keskil14.ru