Ороһу нэһилиэгэр Үөһээ Бүлүү оройуонун 2022 сыллааҕы үлэтин улуус баһылыгын социальнай боппуруоска солбуйааччыта Люция Тойтонова салайааччылаах бөлөх отчуоттаан барбытын аахтым. Улууска үгүс үлэ барбыт эбит.
2023 сылга биир дойдулаахпыт Исидор Никифорович Барахов 125 сааһын туоларынан элбэх үлэ былааннанар эбит. Төрөөбүт нэһилиэгэр Харбалаахха Култуура киинэ тутуллуохтаах эбит уонна оскуола тутуутун туруорсаллар эбит. И.Н. Барахов туһунан кинигэ бэчээттэнэн тахсыбыт. Кэлэр сайын Москваҕа И. Бараховка аналлаах үбүлүөйдээх ыһыах ыытыллар.
Ороһу нэһилиэгин баһылыга Анатолий Васильевич Антонов нэһилиэккэ К.С. Чиряев аатынан Норуот педагогикатын саҥа музей тутулларыгар бырайыак оҥоһулларын, фельдшерскай пууну өрөмүөннүүрү, кырдьаҕастарга хааччыллыылаах дьиэни, түөрт квартиралаах дьиэ тутуутун түргэтэтииллэрин, баһаарынай дьиэҕэ хамнастаах үлэһиттэр баар буолалларын туруорсубут.
Олохтоох баһылык туруорсубутун, улуус дьаһалтата болҕомтоҕо ылыа диэн эрэнэ саныыбыт.
Ванесса Прокопьева, «Тымтык» эдкорпост, Ороһу орто оскуолата.