Балаҕан ыйын 26 күнүгэр Дьокуускайга «Время решать вместе» диэн Өрөспүүбүлүкэтээҕи урбаанньыттар форумнарын чэрчитинэн республика оскуолатааҕы бизнес-инкубатордарыгар «Учимся жить лучше» диэн выставка буолла.
Форумҥа семинардар, лекциялар, босхо мастер-кластар, ситиһиилээх урбаанньыттары кытта питч-сессия, төгүрүк остуоллар, финансовай продукциялар презентациялара, бизнес-оонньуу тэрилиннилэр. Лицей резиденнэрин атыыта форумҥа хамаҕатык барда, элбэх сэҥээриини ылла. Бу табаардары Эрхан Баснаев, Вова Мессев уонна Сандаар Доргуев буолан билиһиннэрдибит, проектарбытын кэпсээтибит, аһаҕас микрофоҥҥа кытынныбыт, грамотанан наҕараадаланныбыт.
Бизнес эйгэтигэр киирэр, бэйэ дьыалатын арыйарга холонор бэртээхэй площадка буолла.
Вова Мессеев, 8 кылаас үөрэнээччитэ,
Таатта лиссиэйэ