Учуутал диэн бастатан туран иитээччи, хас биирдии үөрэтэр оҕолорун ис туруктарын билэр, ураты дьоҕурдаах, талааннаах киһи буолар.
Мин сөбүлүүр учууталларым элбэхтэр, ол элбэх учууталлартан биир учууталым туһунан кэпсиэм. Кини аата Вера Семеновна. Оскуолабытыгар бибилэтиэкэринэн үлэлээбитэ элбэх сыл буолла. Кини үөрэппит, улаатыннарбыт оҕолоро эбэһээт үөрэ-көтө сылдьаллар. Биһиги бибилэтиэкэҕэ киирэн кинилиин кэпсэтэбит, алтыһабыт. Кини оҕолору олус өйүүр, өйдүүр, сүбэ-ама биэртэлиир. Учууталбыт баттаҕа уп-уһун, хоп-хойуу. Онон кини мөссүөнэ киһи өйүгэр хаалар. Мин Вера Семеновнаны убаастыыбын, олус истиҥник саныыбын.
Киһи эрэ бары учуутал идэтин баһылаабат. Бу ирдэбиллээх, уустук үлэҕэ элбэҕи билэр-көрөр, оҕолорго истиҥ сыһыаннаах, төрөөбүт дойдутугар бэриниилээх эрэ киһи үлэлиир. Мин бэйэм учууталларым курдук үтүө майгылаах, сиэрдээх, дьоһуннаах буолуохпун баҕарабын, онно дьулуһабын. Учууталларбар билиигит, түбүктээх үлэҕит иһин махтанабын! Кэлэн иһэр идэлээх бырааһынньыккытынан эҕэрдэлиибин.
Алина Герасимова, X кылаас, Күндээдэ орто оскуолата, Ньурба