Нам улууһун М.В. Петрова аатынан Таастаах орто оскуолатын үөрэнээччилэрэ учууталларын эҕэрдэлээн айбыт хоһоонноро. Салайааччы — саха тылын, литературатын учуутала Аксинья Семеновна Татаринова.
ххх
Учуутал, учуутал
“А” буукубаттан саҕалаан
Элбэххэ үөрэтэҕин.
Маҥнайгы кылаастан
Биһигини бүөбэйдиигин,
Иккис төрөппүт тэҥэҕин,
Олохпут тухары умнуохпут суоҕа
Учууталларбытын!
Артем Аргунов, VII кылаас үөрэнээччитэ.
ххх
Хас да сыл тулуйан,
Биһигини улаатыннаран,
Үөрэхтээх киһи оҥорон,
Тыл баайын сайыннаран
Үөрэппит киһибит — учуутал!
Учуутал – ыарахан идэ,
Учуутал – таптыыр киһим,
Учуутал – чугас атас,
Учуутал – иккис ийэ.
Махталым, эйиэхэ, учуутал!
София Заболоцкая, VII кылаас үөрэнээччитэ.
ххх
Бүтэриэхпит оскуоланы,
Билии кыһатыгар уйдарбыт
Иккис дьиэбититтэн тэйиэхпит.
Учууталларбыт уһуйуулара
Үрдүктэн үрдүккэ кынаттыаҕа,
Үлэһит дьон буолан
Үөрэппит учууталларбытыгар
Махтаныахпыт!
Женя Оконешников, IX кылаас үөрэнээччитэ.
ххх
Номнуо тоҕус сыл ааһан эрэр,
Оскуола дьиэбититтэн тэйиэхпит.
Күндү да күннэр аастылар
Таастааҕым оскуолатыгар.
Учууталларбын умнуом суоҕа,
Куруутун кинилэри ахтыам.
Женя Атастырова, IX кылаас үөрэнээччитэ.
ххх
Екатерина Григорьевнаҕа
Кылааспыт салайааччыта
Екатерина Григорьевна,
Эн биһигини
Элбэххэ үөрэтэҕин,
Сырдыкка, ырааска сирдиигин.
Биһиги туспутугар
Ис сүрэххиттэн кыһаллаҕын!
Илья Иванов, V кылаас үөрэнээччитэ.
ххх
Бастакы кылааска
Сиэтэн киллэрбитэ
София Петровна.
Кини олус үчүгэй,
Наһаа кыһаллар,
Кини кыыһырбат.
Ахтабыт өрүү
Бастакы учууталбытын
София Петровнаны.
Вадим Атласов, V кылаас үөрэнээччитэ.
ххх
Екатерина Григорьевна
Иккис ийэбит тэҥэ,
Барыга уһуйар,
Сороҕор сэмэлиир,
Биһигини таптыыр.
Биһиги эмиэ
Кинини таптыыбыт!
Катя Атласова, V кылаас үөрэнээччитэ.
ххх
Бастакы учууталым
Туйаара Марковна
Миигин сиэтэн киллэрбитэ
Билии кыһатыгар.
Ааҕарга, суруйарга үөрэппитэ,
Элбэххэ, саҥаҕа уһуйбута.
Махтанабын эйиэхэ
Бастакы учууталбар!
Вика Сивцева, V кылаас үөрэнээччитэ.
ххх
Алын кылааһы бүтэрэн,
Орто сүһүөххэ таҕыстыбыт.
Ол эрээри, умнубаппыт
Маҥнайгы учууталбыт—
Туйаара Марковнаны!
Кини элбэххэ үөрэппитэ,
Үгүс саҥаны билбиппит,
Учууталбытын ахтабыт!
Пана Лиханов, V кылаас үөрэнээччитэ.
ххх
Айыына Иннокентьевнаҕа
Кини нуучча тылын учуутала,
Кылааспыт салайааччыта
Айыына Иннокеньевнабыт
Икки сыл устата биһигини
Бэйэтин оҕолорун курдук
Көрөн, бүөбэйдээн сылдьар.
Элбэх бэһиэлэй күннэр,
Мүччүргэннээх түгэннэр
Биллибэккэ аастылар.
Махтал тылларын этэбит
Айыына Иннокетьевнаҕа.
Юлия Оконешникова, VI кылаас үөрэнээччитэ.
ххх
Учуутал оҕону элбэххэ үөрэтэр,
Үгүс үтүмэн үтүөҕэ сирдиир,
Дабайабыт үрдүктэн үрдүккэ
Эйигинниин — Учуутал!
Сороҕор буруйу оҥордохпутуна
Мөҕүллэн да ылларбыт,
Ол эрээри, үксүгэр
Биһигини таптыыллар.
Оскуолабытын бүтэрдэхпитинэ да,
Умнуохпут суоҕа
Учууталларбытын!
Кинилэр эппит тылларын
Холобур оҥостуохпут!
Альберт Аргунов, VII кылаас үөрэнээччитэ.
ххх
Учуутал үлэтэ олус ыарахан,
Түбүктээх, сыралаах.
Кинилэр биһигини
Ааҕарга, суоттуурга,
Суруйарга үөрэтэллэр.
Үөрэхтээх дьон буоллуннар диэн
Биһиэхэ кыһаллаллар.
Василина Гермогенова, VI кылаас үөрэнээччитэ.
ххх
Учуутал, учуутал,
Билиини иҥэрэҕин,
Саҥаттан саҥаны дабайабыт
Үгүһү үөрэтэбит.
Айсен Атласов, VI кылаас үөрэнээччитэ.
Өйдөөтүм
Махтаныахпын баҕарабын
Куруутун барыга көмөлөһөр,
Элбэх билиини биэрэр
Учууталларбар!
Эһиги көмөҕүтүнэн мин
Үөрэхтээх мааныта буолуом!
Эһиги угуйуугутунан
Үрдүктэн үрдүгү дабайыам!
Улахан кылааска дьэ өйдөөтүм
Үчүгэйи баҕаран
Сэмэлииргитин,
Эһиги олус тулуурдааххыт,
Иккис ийэ кэриэтэҕит.
Махтал маанытын аныыбыт
Учууталларбытыгар!
Виола Егорова, VIII кылаас үөрэнээччитэ.
ххх
Валентина Валерьевнаҕа
Сөбүлүүр уруогум—
Биология, география
Уруогу үөрэтэр
Валентина Валерьевна!
Олус сэҥээрэбин
Кини кэпсиирин,
Болҕойон истэбин,
Кыһаллан үөрэнэбин.
Улааттахпына чинчийиэм,
Учууталым иҥэрбит билиитин
Олохпор туһаныам.
Махтанабын,
Валентина Валерьевнаҕа!
Матвей Попов, VIII кылаас үөрэнээччитэ.
keskil14.ru