Таатта улууһун Тыараһа нэһилиэгэр уруккуттан учууталынан үлэлиир-хамныыр халыҥ аймах дьонноохпут. Олортон биирдэстэрэ Николаевтар династиялара.
Уопсай педагогическай стажтара – 289 сыл.
Династияны төрүттээччи Ефросинья Илларионовна Эртюкова буолар. Сэрии сылларыгар Нам оройуонун үөрэҕирии салаатын салайааччытынан үлэлээбитэ. Педагогическай стаһа – 2 сыл.
Валентина Романовна Николаева (Эртюкова) – династияны төрүттээччи кыыһа, киниттэн Николаевтар династиялара саҕаламмыта. РСФСР үөрэҕириитин туйгуна, үлэ бэтэрээнэ. 43 сыл үөрэҕирии эйгэтигэр үлэлээбитэ.
Василий Афанасьевич Николаев – Валентина Романовна кэргэнэ. «Учууталлар учууталлара» бэлиэ хаһаайына, үлэ бэтэрээнэ. 40 сыл педагогическай стажтаах.
Саргылана Васильевна Корякина (Николаева) – Валентина Романовна, Василий Афанасьевич Николаев кыыстара. Чурапчы улууһун Дириҥ агрооскуолатыгар математика уонна физика учууталынан үлэлиир. Саха Өрөспүүбүлүкэтин үөрэҕириитин туйгуна. Педагогическай стаһа – 38 сыл.
Иннокентий Гаврильевич Корякин – Николаевтар династияларыгар күтүөт. Чурапчы улууһун Дириҥ агрооскуолатыгар математика уонна физика учууталынан үлэлиир. Арассыыйа Үөрэҕин министиэристибэтин Бочуотунай Грамотатынан бэлиэтэммитэ. Педагогическай стаһа – 36 сыл.
Андрей Иннокентьевич Корякин – династия төрүттээччитин сиэнэ, ХИФУ преподователэ. 3 сыл стажтаах.
Василий Васильевич Николаев – династияны төрүттээччи Валентина Романовна, Василий Афанасьевич Николаев уоллара. Биология, химия учуутала. Саха Өрөспүүбүлүкэтин, Арассыыйа Айылҕа харыстабылын туйгуна. Норуодунай хаһаайыстыба Үтүөлээх үлэһитэ, экология бэтэрээнэ. 5 сыл педстажтаах.
Галина Ивановна Николаева – Николаевтар династияҕа кийиит. Д.Г. Новопашин Дьокуускай куорат 10 N-дээх оскуолатыгар химия учуутала. Саха Өрөспүүбүлүкэтин Үөрэҕириитин туйгуна, педагогическай үлэ бэтэрээнэ. 35 сыл стажтаах.
Акулина Васильевна Бугаева (Николаева) – Валентина Романовна, Василий Афанасьевич Николаев кыыстара. Саха тылын, литературатын учуутала. Билигин өрөспүүбүлүкэтээҕи экспериментальнай площадка сэбиэтин чилиэнэ. 33 сыл педагогическай стажтаах.
Николай Иннокентьевич Бугаев – Николаевтар династияҕа күтүөт. Филологическай наука кандидата, СӨ Үөрэҕириитин Үтүөлээх үлэһитэ. Үөрэҕирии эйгэтигэр 41 сыл стажтаах.
Дмитрий Юрьевич Протопопов – династияны салҕыыр сиэн. 2012 сылтан «Ленский край» физико-математическай форум педагог-баспытаатала. Үөрэҕирии эйгэтигэр тохсус сылын үлэлиир.
Александра Ивановна Колесова – кийиит, алын сүһүөх кылаас учуутала. 4 сыл педагогическай стажтаах.
Айсаана Полускина, Анджела Эльбядова, VII кылаас,
М.Н. Турнин аатынан Тыараһа оскуолатын медиа-киинэ.
Таатта