— Мин искусство оскуолатыгар театральнай отделениетыгар быйыл 4 кылааска үөрэхпин салҕыыбын. Миигин үөрэтэр Маргарита Семеновна диэн талааннаах киһи. Кини үтүө санаалаах, үөрэтэрэ өйгөр түргэнник киирэр, оҕолору кытары биир санаалаах, хаһан даҕаны биһиэхэ оонньуурга мээнэ көҥүллээччитэ суох, ол эрээри таһырдьа сылаас кэмҥэ куруутун айылҕаҕа сынньата, экскурсиялата илдьэ сылдьааччы. Отделениебытыгар хайа баҕарар үөрэнээччи төрөөбүт күнэ буоллаҕына оннооҕор дистанционнайга олорор кэммитигэр биһиэхэ сылаас, үтүө анал тылларын ыытааччы.
Күндү Маргарита Семеновнаны Учуутал күнүнэн ис сүрэхпиттэн эҕэрдэлиибин! Баҕарабын кытаанах доруобуйаны, үгүс үөрүүнү-көтүүнү уонна араас таһымнаах күрэхтэргэ биһигини кытыннаран ситиһиилэрэ элбии турдун!
Эҕэрдэни кытары театральнай отделение 4-с кылааһын уһуйуллааччыта Алексеев Павел.
Күндү учууталбыт Григорий Егорович!
Идэлээх күҥҥүнэн,
Иһирэх эҕэрдэ!
Музыка диэн кэрэ
Умсулҕан эйгэҕэ,
Ис күүһү арыйан,
Кэрэҕэ, үтүөҕэ
Уһуйар, сыһыарар,
Айымньылаах үлэҕэр
Махтанабыт, Эйиэхэ!
Оҕону, дьоҕурун,
Талаанын таһааран,
Сырдыкка, үрдүккэ
Өрө көтүтэ тур!
Эҕэрдэни кытары классическай гитара 3-с кылааһын уһуйуллааччыта Григорьева Дайаана уонна төрөппүт Туйаара Юристановна.
— Мин Табаҕа оҕо искусствотын оскуолатыгар художественнай отделениеҕа 3 кылааска үөрэнэбин. Учууталым аата Нарыйа Владимировна диэн. Кини оҕолору араас өҥнөөх акварель, гуашь кырааскаларынан, боростуой графит харандааһынан пейзажтары, портреттары, натюрмортары сөпкө уруһуйдуурга үөрэтэр. Биһиги өссө араас кумааҕыларынан сыһыаран макеттары, кыра композициялары оҥоробут. Кини үөрэтэрин мин олус сөбүлүүбүн. Мин учууталым хаһан даҕаны улаханнык мөхпөт, барытын холкутук быһаарар, көрдөрөр.
Нарыйа Владимировнаны Учуутал күнүнэн эҕэрдэлиибин! Мин улааттахпына кини курдук уруһуйдьут буолуохпун баҕарабын. Учууталбар улахан махтал!
Эҕэрдэни кытары художественнай отделение 3-с кылааһын уһуйуллааччыта Зыков Стасик.
— Табаҕатааҕы искусство оскуолатыгар үҥкүү отделениетыгар кыра кылаастан дьарыктанабын. Үҥкүүлүүрбүн наһаа сөбүлүүбүн. Учууталым Валентина Дмитриевна үлэтигэр бэриниилээх, дьарыкпытыгар саҥаттан саҥа үҥкүүлэри, хамсаныылары үөрэтэбит. Кини биэрэр дьарыктарыттан дуоһуйууну ылабын, олус интэриэһинэйдик ыытар, хас биирдии хамсаныыларбытын көннөрөн, өйдөтөн биэрэр.
Учууталбар Валентина Дмитриевнаҕа Учуутал күнүнэн эҕэрдэбин этэбин, ис сүрэхпиттэн баҕарабын кытаанах доруобуйаны, дьиэ кэргэнигэр тапталы, ил олоҕу, дьолу-соргуну, саҥа ситиһиилэри, айымньылаах үлэни!
Эҕэрдэни кытары хореография отделениетын 5-с кылааһын уһуйуллааччыта Павлова Надя.
