Мин, Авелия Кириллина, Ороһу орто оскуолатын үһүс кылааһыгар үөрэнэбин. Учууталым Лена Васильевна Данилова. Учууталбыт бастакы кылаастан хас чиэппэр бүттэҕин аайы кылааска туох эрэ сонуну оҥорбут буолар. Бу сырыыга, иккис чиэппэргэ үөрэнэ кэлбиппит, арай кылааспыт атын кылаас курдук буолбут.
Үөрэнэр остуолларбыт кырааскаланан, саҥа остуолга кубулуйбуттар. Киирэр ааммыт сиэрэй, кылааспыт үрдэ сырдык өҥүнэн кырааскаламмыттар. Хас биирдии үөрэнээччи олоппоһо сымнаҕас сыттыгынан тэлгэммит. Түннүк, кырааскабыт өҥүгэр дьүөрэлэнэн, салаат өҥүн курдук матырыйаалынан оҥоһуллубут сабыыламмыт.
Оҕолор наһаа үөрдүбүт, учууталбытыгар уонна төрөппүттэрбитигэр махтанныбыт.
Авелия Кириллина, «Иэйиэхсит» оҕо бөлөҕө.