С.Н.Донской -II аатынан Үөрэҕи сайыннарар уонна идэни үрдэтэр үнүстүүт аактабай саалатыгар «Төрөөбүт тыл уонна литература бастыҥ учуутала» күрэс кыайыылаахтарын, лауреаттарын маастар-кылаастара ыытылынна.
Кыттыыны ылаллар:
1. Раданжапова Светлана Владимировна, Бүтүн Арассыыйатааҕы «Төрөөбүт тыл уонна төрөөбүт литература бастыҥ учуутала-2024» күрэс кыайыылааҕа, Бүрээт Өрөспүүбүлүкэтэ;
2. Гоголева Сардаана Николаевна, «Төрөөбүт тыл уонна төрөөбүт литература бастыҥ учуутала -2022» өрөспүүбүлүкэтээҕи күрэс кыайыылааҕа, Бүтүн Арассыыйатааҕы «Төрөөбүт тыл уонна төрөөбүт литература бастыҥ учуутала» күрэс лауреата;
3. Лукина Кэскилээнэ Вячеславовна, «Төрөөбүт тыл уонна төрөөбүт литература бастыҥ учуутала -2023» өрөспүүбүлүкэтээҕи күрэс кыайыылааҕа, Бүтүн Арассыыйатааҕы «Төрөөбүт тыл уонна төрөөбүт литература бастыҥ учуутала» күрэс лауреата, призера;
4. Фёдорова Вера Васильевна, «Төрөөбүт тыл уонна төрөөбүт литература бастыҥ учуутала -2023» өрөспүүбүлүкэтээҕи призера;
5. Данилова Лариса Дмитриевна, « Төрөөбүт тыл уонна төрөөбүт литература бастыҥ учуутала -2024» өрөспүүбүлүкэтээҕи күрэс кыайыылааҕа;
6. Анисимова Маргарита Николаевна, «Төрөөбүт тыл уонна төрөөбүт литература бастыҥ учуутала -2024» өрөспүүбүлүкэтээҕи күрэс кыайыылааҕа;
7. Каженкин Рустам Николаевич, «Төрөөбүт тыл уонна төрөөбүт литература бастыҥ учуутала -2025» өрөспүүбүлүкэтээҕи күрэс кыайыылааҕа;
8. Кузьмина Акулина Николаевна, «Төрөөбүт тыл уонна төрөөбүт литература бастыҥ учуутала -2025» өрөспүүбүлүкэтээҕи күрэс лауреата;
9. Алексеева Анна Анатольевна, «Төрөөбүт тыл уонна төрөөбүт литература бастыҥ учуутала -2025» өрөспүүбүлүкэтээҕи күрэс лауреата;
10. Им Галина Федоровна, «Төрөөбүт тыл уонна төрөөбүт литература бастыҥ учуутала -2025» өрөспүүбүлүкэтээҕи күрэс лауреата;
Гоголева Сардаана Николаевна — Чурапчы улуустааҕы гимназиятын саха тылын уонна литературатын учуутала тыл уонна литература уруоктарыгар оҕону хайдах болҕомтотун тарыахха сөбүн туһунан бэйэтин уоупутун, ньыматын бэрт сэргэх маастар кылааһын көрдөрдө. Холобур,тоҕо С.Новгородов алпаабыта билигин элбэх аныгы бренд буолбут таҥастарга, тэриллэргэ араас афишаларга тутталлара тренд буолла?
«Төрөөбүт тыл уонна төрөөбүт литература бастыҥ учуутала-2024»күрэс кыайыылааҕа, Бурятия өрөспүүбүлүкэтиттэн кэлэ сылдьар сийиэс ыалдьыта Ранджапаова Светлана Владимировна бэйэтин маастар кылааһын ыытта. Кини бэйэтэ Улан Удэтээҕи национальнай лиссиэй-интэринээт учуутала. Төрөөбүт тылы истэ үөрэнии (аудирование) ньыматын туһунан кэпсээтэ. Бу ньыманан кини “Stepik” платформаҕа «Бүрэт тылынан кэпсэтиэххэ» диэн уруоктары оҥорбутун туһунан билиһиннэрдэ.
Лукина Кэскилээнэ Вячеславовна — Горнай улууһун А.Осипов аатынан Бэрдьигэстээх орто оскуолатын саха тылын учуутала уруокка туттуллар аныгы платформалар туһунан кэпсээтэ. Учууталлар «Шедеврум» платформаҕа айымньылар дьоруойдарын хартыынаҕа тилиннэрэ үөрэннилэр.
Фёдорова Вера Васильевна — Кэбээйи улууһун Тыайа орто оскуолатын саха тылын уонна литературатын учуутала хоһоонноохтук ааҕыы ньыматын туһунан бэйэтин маастар кылааһын ыытта. Учууталлар хоһоонноохтук ааҕан холоннулар.
Саха тылын, литературатын, култууратын учууталларын үһүс өрөспүүбүлүкэтээҕи сийиэһин чэрчитинэн ыытыллыбыт «Саха тылын уонна литературатын бастыҥ учуутала» күрэх кыайыылаахтарын маастар кылаастарын 100 тахса делегат кэлэн иһиттилэр, үөрэннилэр.
Икки күн устата ыытыллар саха тылын, литературатын уонна култууратын учууталларын үһүс өрөспүүбүлүкэтээҕи сийиэһин чэрчитинэн төгүрүк остуоллар, сэминээрдэр, стратегическай сиэссийэлэр, мастарыскыайдар, араас хабааннаах дьүүллэһиилэр ыытыллыахтара.
Keskil14.ru