Хас оскуола аайы бастыҥтан бастыҥ учууталлар бааллар. Биһиги оскуолабытыгар биир оннук учууталынан нуучча тылын уонна литературатын учуутала Майя Гаврильевна Самсонова буолар. Бу чахчыны кини үөрэнээччитэ Лида Иванова нуучча литературатын биир кэлим эксээмэнин 100 баалга туттарбыта чаҕылхайдык туоһулуур.
Майя Гаврильевна уруоктарын олус интэриэһинэйдик ыытар буолан, бары сөбүлээн үөрэнэбин. Оҕо барыта өйдүүр гына быһаарар, интерактивнай уруоктары ыытар, сорудакторы толорторор. Кини элбэх үөрэнээччитэ араас таһымнаах олимпиадаларга куруутун миэстэлэһэллэр. Научнай үлэҕэ сыһыаран, дакылааттары суруйтарбыта өрүү бэлиэтэнэр.
Кини уруогунан эрэ муҥурдаммакка, билиибитин кэҥэтэр сыаллаах араас экскурсияларга илдьэ сылдьар. Майя Гаврильевна киэҥ билиилээх уонна кыһамньылаах бастыҥ учуутал буолар.
Арина Терентьева, X кылаас.
Хаптаҕай, Мэҥэ-Хаҥалас.