Алтынньы 8 күнүгэр Сунтаардааҕы политехническэй лицейгэ үгэскэ кубулуйбут Бэйэни салайыныы күнэ буолан ааста.
Бэйэни салайыныы диэн 11 кылаас үөрэнээччилэрэ учууталлары эҕэрдэлии, сынньата таарыйа, кинилэри солбуйан оҕолору үөрэтэллэр. Хас биирдии выпускник көхтөөхтүк үлэлэһэн, үөрэтэр предметын талан олус ситиһиилээх күн ааспыта дии саныыбын.
Биһиэхэ бэйэбитигэр эмиэ олус туһалаах, таһаарыылаах күн ааспыта. Учууталлар бары хайдах курдук ыарахан үлэлээхтэрин, хайдах курдук үлэһит, киэҥ сүрэхтээх дьон эбитин илэ бэйэбитинэн биллибит.
Учууталларга, оскуола үлэһиттэригэр өрүүтүн улахан махтал!
Суруйда Виктория КОРОТОВА, 11-в кылаас үөрэнээччитэ.