Биhиги киэн туттар оскуолабыт Социалистическай Үлэ Геройа, ХХ үйэ бастыҥ учуутала, ЮНЕСКО дипломун хаhаайына Георгий Евдокимович Бессонов аатын сүгэр. Кини оскуолабыт үүнэ-сайда, чэчирии тупсарыгар сүҥкэн оруоллаах, ону сэргэ нэhилиэк олоҕор саҥа сонун уларыйыылары, бэйэтин сүдү кылаатын киллэрбит чулуу киhи буолар.
Элбэх дьулууру эрэйэр сыралаах үлэтин таhынан, кэлэр көлүөнэ ыччакка, биhиэхэ анаан, биллиннэр-көрдүннэр, туhанныннар диэн араас научнай-методическай үлэлэри суруйан хаалларбыт.
Георгий Евдокимович дьон-норуот туhугар, ыччаты иитиигэ анаабыт үлэтэ-хамнаhа историяҕа дириҥ ис хоhоонноох кылааты киллэрбитэ саарбаҕа суох. Бастатан туран, оҕону кыра эрдэҕиттэн үлэни, үөрэҕи таптыырга, туруоруммут суолу ситиhэргэ, тулалыыр айылҕаны харыстабыллаахтык сыhыаннаhарга, олоҕу таптыырга үөрэтиитэ — бу барыта үүнэр көлүөнэ ыччакка, биhиэхэ үтүө холобур.
Быйыл мин Георгий Евдокимович төрөөбүтэ 110 сылын туолар чулуу киhи, учуутал үрдүк аатын сүгэр, сылын аайы туйгун үөрэхтээх, араас НПК кыайыылаахтарыгар ананар анал стипендиятын тутар чиэскэ тиксибиппинэн киэн туттабын, кини үрдүк аатыгар ссүгүрүйэбин! Тойбохой орто оскуолатын үөрэнээччитэ буоларбынан дьоллоохпун.
Харысхан Андреев, Г.Е. Бессонов аатынан Тойбохой орто оскуолатын 2025 с. бүтэрээччи,
Сунтаар улууһа.
keskil14.ru