Үөрэнээччилэргэ сынньалаҥ саҕаланан, оҕо-аймах үөрүүтэ үгүс. Уолаттар балыкка бараары, хаалааччылар таһырдьа оонньоору, сорохтор сарсыарда эрдэ турбакка, уһуннук утуйаары…
Оттон Г. Г. Софронов аатынан Өлөөкө-Күөл орто оскуолатын маҥнайгы кылааһын үөрэнээччитэ Наина Винокурова үөрбэт ээ. Кини сынньалаҥ хаһан бүтэрин күүтэр. Хаста утуйан турдаҕына үөрэнэ кэлэрин ийэтиттэн ыйытар.
Наина оскуоланы наһаа сөбүлүүр. Сарсыарда ахсын үөрэнэ үөрэн-көтөн кэлэр. Эбиэт кэннэ куруһуоктарга сылдьар. Олох хаһан да хойутаабат. Учууталын наһаа таптыыр. Уруокка учуутала эппитин биир да тылы сыыс түһэрбэккэ толорорго кыһаллар. Үөрэҕин чэпчэкитик ылынар. Элбэҕи билиэн-көрүөн баҕата олус улахан.
Наина хайаан да туйгун үөрэхтээх, көрсүө үөрэнээччи буолуоҕа диэн саарбахтаабаппыт.
И. Ноговицына,
Орто Халыма, Өлөөкө-Күөл б.