Мэҥэ-Хаҥалас Матта оскуолатыгар алтынньы 3- 13 күннэригэр » Махтал эйиэхэ, күндү учуутал!» диэн учууталга аналлаах дэкээдэ ааста.
Дэкээдэ устата Мөҥүрүөнтэн төрүттээх, УҺун Эбэ оскуола биир бастакы үөрэнээччитэ, бастакы үөрэхтээх учуутала, РСФСР үөрэҕэриитин туйгуна, Төҥүлү оскуолатын бэтэрээн учуутала, Аҕа дойду сэриитин бэтэрээнэ, Кэбээйи оройуонун Тыайа оскуолатыгар военругунан үлэлээбит Ксения Алексеевна Харитонова үйэлээх 100 сааҺынан аналлаах кылаас чаастара уонна үлэлээн ааспыт кэмнэрин кэпсиир «Сырдыгы сахпыт учуутал эдьиийбит» саҥа кинигэ сүрэхтэниитэ Аҕам саастаах дьон күнүн дьуөрэлээн, нэҺилиэк култуура сынньанар киинигэр буолла.
Бу кинигэ нэҺилиэк историятын, дьонун уйэтитэн, эдэр ыччакка көдьүүстээх, туҺалаах бырайыак буолан олоххо киирбитин олохтоохтор хайҕаан, биҺирээн тыл эттилэр.
Дэкээдэ УҺун Эбэҕэ турар бастакы оскуола аҺаҕас мусуойугар айан-экскурсиянан түмүктэннэ. Бу айаҥҥа оскуола актива, учууталлар туруннулар.
Ааспыт үөрэх дьылыгар оскуола историятын чинчийбит оҕолор үлэлэрэ мусуойга стендэ, макет быҺыытынан турдулар.
VII кылаас үөрэнээччилэрэ кылаас салайааччытын Ньургун Павлович Стручковы кытта оскуола макет-стендэтин оҥордулар. Бу макет-стендэ УҺун Эбэ оскуолатыгар 12 алаастан сылдьан оҕолор үерэммиттэрин кэпсиир.
Е.Н.Черкашина салайыылаах Х кылаастар «Мөҥүрүөн бастакы меценаттара» диэн чинчийбит үлэлэрэ стендэ буолан турда.
Ону тэҥэ, Ксения Алексеевна 100 сааҺыгар анаан, сырдык аатын уйэтэтэр QR код-таах паарта ананна. Бу учууталга аналлаах дэкээдэттэн мин элбэҕи биллим, интэриэҺиргээтим.
Ярик Григорьев, VII кылаас. «Куорсун” пресс-центр.
Е.Д.Кычкин аатынан Матта оскуолата, Мэҥэ-Хаҥалас.