Үс Геройдаах, ол иһигэр — икки Үлэ Геройдара Г.С.Самсонов, Е.Н. Новгородова, төрөөбүт дойдум, Хаптаҕай, оҕуруот аһын үүннэриинэн утумнаахтык дьарыктанар. Бары сиртэн аһаан олоробут диэтэхпинэ, сыыспатым буолуо.
![](https://keskil14.ru/wp-content/uploads/2022/07/ogorod.jpg)
Биһиги оскуолабыт агро хайысханы тутуһан үлэлээбитэ ыраатта, оҕуруот араас аһын үүннэрэн, кыһын сиирбитин хааччынабыт. Хортуоппуйу, моркуобу, сүбүөкүлэни, оҕурсууну, помидору, биэрэһи үүннэриини баһылаабыппыт быданнаата. Маны таһынан, тыыкыбаны, кукурузаны, дыняны, арбуһу, репаны олордууга боруобаланабыт.
![](https://keskil14.ru/wp-content/uploads/2022/07/o.jpg)
![](https://keskil14.ru/wp-content/uploads/2022/07/ooggg.jpg)
Сайынын «Росток» лааҕыр үлэлээн, оҕолор оскуолатааҕы учаастак оҕуруотун көрөллөр-истэллэр. Үлэни таһынан араас сынньалаҥ, аралдьытар тэрээһиннэр көхтөөхтүк ааһаллар. Быйыл Үлэ Геройа Г.С.Самсонов 100 сыллаах үбүлүөйүгэр анаан элбэх үлэни ыыттыбыт.
![](https://keskil14.ru/wp-content/uploads/2022/07/oggr.jpg)
![](https://keskil14.ru/wp-content/uploads/2022/07/ogor-1.jpg)
Валя Спиридонова, XI кылаас, Кустук» медиастудия.
Хаптаҕай, Мэҥэ Хаҥалас.