Биһиги оскуолабытыгар оруобуна ахсынньы 1 күнүгэр Саҥа дьыл чугаһаан иһэрин көрдөрөр Тымныы Оҕонньор халандаарын ыйаатыбыт.
Халандаарбыт чыыһылата сүрэх. Ол сүрэххэ сорудахтаах. Холобур, бастакы сүрэх Тымныы Оҕонньорго сурук суруйуу диэн. Иккискэ — 10 хаары кырыйыы. Ол курдук, мин 8 хаары кырыйдым, Яша — 6 хаары. Хаардарбытын оскуолаҕа аҕалабыт уонна кылааспытын киэргэтэбит.
Тымныы Оҕонньорго сурук суруйбуппут. Яша уол туох бэлэҕи күүтэрин эппит. Мин эрдэ суруйан, Дьокуускайга ыыппытым.
Баһаатайбыт Светлана Васильевна бэртээхэй халандаары толкуйдаан, Саҥа дьыл сүпсүлгэнэ, долгуйуута саҕаланна. Кэлэр сыл барыгытыгар дьолу аҕаллын!
Яша Слепцов, Саша Другина,
I кылаас үөрэнээччилэрэ,.
Боронук, Дьааҥы.