Балаҕан ыйын 27 күнүгэр «Сата» театральнай куруһуок иитиллэччилэрэ учууталбытыныын Сандаара Игоревналыын СӨ Судаарыстыбаннаһын күнүгэр, Саха суругун литературатын 125 сылыгар аналлаах Ньурба көһө сылдьар тыйаатырыгар испэктээккэ сырыттыбыт.
Алексей Елисеевич Кулаковскай “Сүүһүн туолбут эмээхсин” айымньытынан Юрий Макаров туруорбут испэктээгин көрдүбүт. Саңа тыйаатыр олус киэң, ыраас, улахан. «Сүүһүн туолбут эмээхсин» туруорууну көрөн көрөөччү элбэҕи саныыр. Олох кылгаһын, кэрэтин, ыарахаттарын биир дьоруой нөҥүө көрөбүт. Мин санаабар, тыйаатыр уонна оскуола быстыспат ситимнээхтэр. Саха литературатыгар ааҕар айымньыларбытын сыанаҕа турбутун көрөн сөҕөбүт, ылынабыт. Хас биирдии дьоруойдары саҥаттан атыннык арыйабыт.
Испэктээк кэнниттэн Ньурбабыт тыйаатырын артыыстарын кытта кэпсэттибит. Артыыстар бэриллибит ыйытыктарга хоруйдаатылар, «Большие гастроли» бырагыраама чэрчитинэн Иркутскай уобалас Черемхово куоратыгар буолбут гостуруол туһунан сиһилии кэпсээтилэр, санааларын үллэһиннилэр. СӨ Судаарыстыбаннаһын күнүгэр уонна Саха суругунан литературатын 125 сылыгар анаммыт киэһэ уопсай хаартыскаҕа түһүүнэн түмүктэннэ. Оҕолоор, тыйаатырга сылдьыҥ, тыйаатыр эйгэтэ ураты тыыннаах!
Иванова Июлия, Тарасова Дарина, Степанова Алгыстаана, V кылаас үөрэнээччилэрэ, Ньурба элбэх хайысхалаах гимназията, «Сата» театральнай куруһуок иитиллээччилэрэ,