«Тыа сиригэр олорорбун олус сөбүлүүбүн» диэн кэпсиир Уус-Алдан улууһун Лөгөй лиссиэй-интернат 3 кылааһын үөрэнээччитэ Эрсан Кычкин. Кырдьык да5аны, тыа сиригэр сүөһү-ас ииттэн, сылгы көрөн, дуоһуйа сир астаан, сайылыкка самаан сайыны атаарар туохтаа5ар да ордук диэн кэпсиир бүгүңңү рубрикабыт ыалдьыта Эрсан.
– «Үтүө күнүнэн! Мин аатым Эрсан Кычкин Уус алдан улууһун Лөгөй лицей интернатын 3 кылааһын үөрэнээччитэбин. Биһиги Кэптэни диэн бөһүөлэккэ олоробут. Манна мин аҕам төрөөбүтэ. Мин аҕам аата Кычкин Петр Петрович , кини физкультура учуутала , билигин тыа хаһаайыстыбатынан дьарыктанар, элбэх сылгылаах, сүөһүлээх. Бу дьарыгын кини сөбүлүүр. Мин кыра эрдэхпиттэн аҕабынаан бииргэ сылдьарбын , көмөлөһөрбүн сөбүлүүбүн. Онтон ийэм Аграфена Гаврильевна лицейга учууталлыыр. Кини өссе торт, минньигэс араас ас оҥорорун сөбүлүүр. Мин ийэбэр торт онорорго көмөлөһөн видеоҕа уһуллааччыбын. Биһиги бииргэ төрөөбүт бэһиэбит. Женя уонна Максим диэн убайдардаахпын. Эдьиийим Алена уонна балтым Милена. Убайдарым уонна эдьиийим студеннар, балтым детсадка сылдьар.
Мин саамай сөбүлүүр кэмим сайын – тоҕо диэтэр сайылыкка астына сынньанабыт. Мин икки эбээлээх эһэм иккиэн сайылыктаахтар Хаптаанньа сайылыкка эбээ Мотя, эһээ Бүөккэ диэн аҕам төрөппүттэрэ олороллор. элбэх сүөһүлээхтэр, сылгылаахтар, оттууллар, сүөһү көрөллөр. Онтон Бэс күөлэ диэҥҥэ Дабаадымаҕа эбээ Настя , эһээ Ганя диэн ийэм дьоно сайылыыллар . Эбээм оҕуруот бөҕө олордор. Эһээм уһанар, кини өссе сайылыкка Республиканскай лааҕыр туппута. Хаптаанньа уонна Бэс күөлэ сайылыктарбытыгар эһээлэрим сиэннэргэ диэн анаан туппут сахалыы балаҕаннарыгар олоробут. Сайын устата биһиги сөтүөлуубут, сир астыыбыт, оонньуубут, дьоммутугар көмөлөһөбүт. Биһиги дьиэ кэргэн тыа сиригэр олорорбут наһаа үчүгэй. Мин тыа сирин таптыыбын, улааттахпына тыа сиригэр олоруом» – санаатын эттэ.
Сиһилии «Тыа сиригэр олорорбун таптыыыбын» видеороликка сэргии көрүң.
Анжелика Игнатьева, Лөгөй лиссиэй-интернат 10 «А» кылааһын үөрэнээччитэ