Бүгүн, олунньу 20 күнүгэр, Ил Түмэн дьокутаата Феодосия Васильевна Габышева олохтоохтору кытта көрүстэ.
Көрсүһүүнү киирии тылынан Ороһу нэһилиэгин баһылыга Антонов Анатолий Васильевич арыйда: «Феодосия Васильевна үөрэх миниистиринэн үлэлии олорон да, Ил Түмэн дьокутаатынан да талыллан баран, Саха Өрөспүүбүлүкэтигэр олорор олохтоохтор уйгулаах олохторун туһугар ахсаабат кыһамньытын, өйүн-санаатын ууран үлэлээбитэ, үлэлии сылдьар. Ороһуга оскуола-саад тутуутун инвестпрограммаҕа киллэттэрбитэ, биһиги нэһилиэккэ улаханы этэр. Инникитин быраграама олоххо салгыы үлэлииригэр үлэлэһэ сылдьара махталлаах.«
Феодосия Васильевна этиититтэн Ил Түмэн үлэтэ үс сорукка олоҕурар:
- Сокуону оҥорон Государство Дууматыгар ,Өрөспүүбүлүкэ салалтатыгар киллэрэр.
2. Талар уорганнарга (быыбардааччыларга) эппиэттиир. Үлэтин түмүгүн отчуоттуур.
3. Хонтуруоллуур эбээһинэстээх. Үбү туттууну хонтуруоллуур, туолуутун бэрэбиэркэлиир.
Саха сиригэр тахсар сокуоннар нууччалыы, сахалыы суруллаллар. Сокуону оҥоруу уустук. Сокуон дьон олоҕунан, кэскилбит (оҕолор) хайдах олоххо олоруохтаахтарын о.д.а учуоттаан оҥоһуллар.
Тыа дьоно тыа хаһаайыстыбатын тутан олороллорун курдук дьокутааттар туруорсаллар. Оҕону үлэнэн иитии хаһааҥҥытааҕар да сытыытык турар. Оҕо хаһаайын быһыытынан иитиллэн тахсарыгар дьиэ кэргэн, үөрэх эйгэтэ ахсаабат соруга буолуохтаах. Төрөөбүт тылы оскуолаҕа үөрэтии чааһа сарбыллыбат. Нуучча тылын сөптөөхтүк туттуу ирдэнэр, тыл омук тылынан туттуллар тылынан солбуллубат.
Феодосия Васильевна үөрэх миниистиринэн олорон, 2018 с. саҥа оскуола туттуллан үлэҕэ киирэригэр тус сыһыаннаах. Аҕыйах ахсааннаах омуктар оскуолаларын сабыы туһунан этиилэр киирбиттэрин, үрдүкү салалтаны кытта быһаччы кэпсэтэн, тылын ылыннаран, сабыллыбаттарын курдук туруорсубута хайҕаллаах. Өскүөрү сабыллар турукка киирбиттэрэ буоллар, дэриэбинэ эстиэн да сөп курдук, тыа хаһаайыстыбатын үлэтэ да таҥнары барыа этэ.
Феодосия Васильевна балысхан үлэтин истэн сөхтүм. Олохтоохтор Ил Түмэн дьокутаатыгар Феодосия Васильевна Габышеваҕа доруобуйаны, этэҥҥэ буолууну баҕардылар.
Нина Михайлова ,
«Тымтык» эдкорпост салайааччыта.