Муҥутуур кыайыылааҕы быһаарар хапсаҕай күрэхтэһиитигэр 47 киилэҕэ 30-ча оҕоттон биһиги бөҕөспүт Винокуров Спира чаҕылхайдык бастаан муҥутуур кыайыылаах үрдүк аатын ылла уонна 10.000 солк. наҕараадаланна.
Тохсунньу 25-26 күннэригэр Халыма улуустарын үөрэнээччилэригэр көҥүл тустууга региональнай аһаҕас турнир Сылгы –Ыытар бөһүөлэгэр буолан ааста. Бу турнир көҥүл тустууга ССРС успуордун маастара, хапсаҕайга СР Бочуоттаах успуордун маастара Захар Николаевич Чукрову үйэтитиигэ аналлаах.
Биһиги оскуолабытыттан 12 бөҕөс баран күрэхтэстэ. Салайааччыннан Рожин Николай сырытта. Ол курдук, 4-үс кылаас үөрэнээччитэ Сухомясов Вова уонна 7-ис кылаас үөрэнээччитэ Винокуров Спира бастакы, 11-ис кылаас үөрэнээччитэ Винокуров Арсен –иккис, оттон 8-ыс кылаас үөрэнээччитэ Винокуров Андрей уонна 10-ус кылаас үөрэнээччитэ Винокуров Ваня үһүс миэстэлэри ыллылар. Онон хамаанданан тоҕус хамаандаттан төрдүс буоллулар.
Күрэхтэһии кэмигэр «Спорт-шоу» диэн аралдьытар тэрээһиҥҥэ биһиги оҕолорбут хамаандата бастаан кубогынан наҕараадаланна.
Муҥутуур кыайыылааҕы быһаарар хапсаҕай күрэхтэһиитигэр 47 киилэҕэ 30-ча оҕоттон биһиги бөҕөспүт Винокуров Спира чаҕылхайдык бастаан муҥутуур кыайыылаах үрдүк аатын ылла уонна 10.000 солк. наҕараадаланна.
Оттон тохсунньу 28-29 күннэригэр Ойуһардаах бөһүөлэгэр 23-үс төгүлүн ыытыллар успуорт ветерана, 1962 сыллаахха Грознай куоракка буолбут эдэр ыччат РСФСР чемпионатын призера, Саха сирин Хотугулуу Илиҥҥи, Халыма Индигир зонатын, Саха Республикатын чемпиона — Горохов Николай кэриэһигэр тустууга уонна хапсаҕайга уолаттарга региональнай аһаҕас турнир ыытылынна. Бу турнирга Орто Халыма куоратыттан, Налимскайтан, Сватайтан, Аргахтаахтан, Эбээхтэн, Сылгы Ыытартан, Өлөөкө-Күөлүттэн, Аллараа Халыма Андрюшкинотыттан уонна Ойуһардаахтан уопсайа 122 эдэр бөҕөс илин-кэлин түһүстэ. Икки күннээх тыҥааһыннаах киирсиилэр түмүктэринэн 8-ыс кылаас үөрэнээччитэ Сухомясов Марат бастакы, 11-ис кылаас үөрэнээччитэ Винокуров Арсен үһүс миэстэ буоллулар.
Онон, уолаттарбытын ситиһиилэринэн эҕэрдэлиибит. Быйылгы түһүлгэ күрэхтэһиитэ ситиһиилээхтик саҕаланан салгыы да кыайыылар түстэнэ турдуннар.
И.Ноговицына
Орто Халыма, Өлөөкө-Күөл б.