Тохсунньу 18 күнүгэр оскуолабытыгар Орто Халыма куораттан кэлбит ЫБМ салайааччыта А.М. Тарасовы кытары көрсүһүү буолла. Алексей Михайлович уоттан уонна ууттан сэрэхтээх буолуу туһунан бэсиэдэ аахта, презентация көрдөрдө.
Кини этэринэн, ханнык да түгэҥҥэ ыксаабат, уолуйбат буолар наада эбит. Ыксаабыт, куттаммыт киһини уоскутуохтаах эбиппит. Сэрэхтээх кэмҥэ тугу гынарын билэр киһи куттаммат да, уолуйбат да буолар.
Уоту умуруорар огнетушитель арааһын туһунан, хайдах туһанар туһунан бэрт үчүгэйдик кэпсээбитэ. Ыйытыылары биэрбитэ, биһиги ОБЖ уруогар үөрэппит буолан эппиэттэспиппит. Уолаттар бириэмэҕэ огнетушителлэри аҕалан күрэхтэспиттэрэ. Сыыһаларбытын, туох итэҕэстээхпитин ыйан туран ыалдьыппыт сүбэлээбитэ.
Онон бу көрсүһүү барыбытыгар олус туһалаах уонна интэриэһинэй буолла.
Мирослав Винокуров, 6 кылаас,
Изольда Слепцова, 6 кылаас.
Орто Халыма, Өлөөкө-Күөл б.