Биһиги оскуолабытыгар ЦОС киириитин үөрүүлээх түгэнэ буолла. Бу үөрүүлээх күн линейкаттан саҕаланна. Линейка өрүүтүн буоларын курдук оскуолабыт девиһиттэн уонна Арассыыйа гимнын толорууттан саҕаланна.
Тэрээһин ыалдьыттара — Мэҥэ-Хаҥалас үөрэҕириитин салалтатын начальнигын солбуйааччыта А.В. Захаров, олохтоох дьаһалта баһылыга И.П. Зыков, бэтэрээн учуутал, РФ үөрэҕириитин туйгуна, оскуолаҕа уһуннук информатика учууталынан үлэлээбит Д.Д. Егоров. Оскуолабыт директора И.В. Кычкина бүгүҥҥү үөрүүлээх күнүнэн бары үөрэнээччилэри, учууталлары эҕэрдэлээтэ, ЦОС үөрэх-иитии эйгэтигэр сайдыыга төһүү буоларын бэлиэтээтэ.
А.В. Захаров улуус үөрэҕин салалтатын начальнигын Н.Л. Никифоров эҕэрдэтин уонна ЦОС үөрэххэ, оҕо тулалыыр эйгэтэ сайдарыгар көмөлөөх буоларын эттэ, баһылык И.П. Зыков оскуолаҕа Д.Д. Егоровка үөрэммитин, элбэх олимпиадаларга, күрэхтэргэ кыттыбытын аҕынна уонна бу маннык түргэн интернеккэ ЦОС-ка киириитэ ситиһиинии аҕалыах тустааҕын тоһоҕолоон бэлиэтээтэ, Д.Д. Егоров кылгастык урут бастаан ИВТ кабинета хайдах тэриллибитин, биир компьютертан саҕалаан кабинет сайдыбытын, оскуола ЯГИТИ филиала буолан элбэх оҕо оператор ЭВМ свидетельствотын ылбыттарын аҕынна уонна ситиһиини баҕарда.
Салгыы ЦОС кабинетын лиэнтэтин быһар чиэс А.В. Захаровка, И.П. Зыковка, И.В. Кычкинаҕа уонна Бүтүн Арассыыйатааҕы АгроНТИ күрэх кыайыылааҕар Вася Афанасьевка бэрилиннэ. Информатика учуутала, ЦОС кабинетын сэбиэдиссэйэ Ю.В. Шарин 8 кылаас үөрэнээччилэригэр ЦОС туһунан быһааран туран уруок ыытта. Ону тэҥэ, Вася Афанасьев Бүтүн Арассыыйатааҕы АгроНТИ күрэххэ 2 төгүлүн кыттан, ситиһии өрөгөйүн ылбытын салайааччыта Г.В. Никифоров бэлэмнээбитин кэпсээтэ уонна робот көмөтүнэн хортуосканы олордуохха сөбүн, рулоннаах оту хомуйары көрдөрдө.
Бу дойдубут Бэрэсидьиэнэ В.В. Путин өйөбүлүнэн, Арассыыйа үөрэҕин Министиэристибэтин национальнай бырайыагын иһинэн тэриллибит ЦОС биһиги оскуолабытыгар киирбитэ үөрэх, билии сайдыытыгар улахан күүс-көмө, саҥа сүүрээн буолар. Улууспутугар ЦОС систиэмэтигэр биһиги оскуолабыт 8 оскуоланан киирбитэ мээнэҕэ буолбатах, Д.Д. Егоров эппитин курдук, ИВТ сайдыытыгар оскуола уопута кырата суох. Онон улууспут үөрэҕин салалтатыгар махтанабыт.
«Кустук» медиа-студия.