Ыам ыйын 22-23 күннэригэр И.С. Гаврильев аатынан Нам 1 №-дээх оскуолатыгар «Тиһэх чуораан» бырааһынньыктара үөрүүлээх быһыыга-майгыга ыытылыннылар.
«Тиһэх чуораан» бырааһынньыга хас биирдии оскуоланы бүтэрээччигэ ураты суолталаах күн буолар. Бу күн оскуоланы бүтэрээччилэр төрөөбүт оскуолаларыгар, учууталларыгар махталларын биллэрэллэр.
Быйыл И.С. Гаврильев аатынан Нам 1 №-дээх оскуолатыгар 4 кылааһы — 58 оҕо, 9 кылааһы — 101, 11 кылааһы — 49 оҕо бүтэрэр.
Оскуола выпускниктарын «Нам улууһа» МТ баһылыга Слепцов Юрий Иннокентьевич бэйэтин истиҥ эҕэрдэтин тиэртэ. Нам улууһун үөрэҕин управлениетын начальнигын солбуйааччы Светлана Поротова, Ленскэй нэһилиэк Депутаттарын Сэбиэтин председателэ Егор Охлопков, А.Ф. Шестаков аат. норуот айымньытын дьиэтин дириэктэрэ Николай Жирков, «Түөлбэ» оҕо эбии үөрэхтээһинин киинин дириэктэрэ Надежда Дьячковская, З.П. Винокуров аат. оҕо музыкальнай оскуолатын, республикатааҕы олимпийский резервэ спортивнай оскуолатын дириэктэрин э.т. Раиса Негнюрова, СР үтүөлээх тренер Клавдия Шелковникова, П.П. Юмшанов аат. оҕо спортивнай оскуолата, Нам улууһун национальнай оонньууларын Федерацията үөрэх, спорт, культура эйгэтигэр ситихиилээх оҕолору чиэстээтилэр, махтал суруктары, бэлэхтэри туттардылар.
Үрдүк көрдөрүүлээх уонна ситиһиилээх бастыҥ үөрэнээччилэргэ анал стипендиялар туттарылыннылар. Ол курдук, Шапошникова Ольга Иннокентьевна аат. бирэмийэни — кыыһа, национальнай культура уонна МХК учуутала Павлова Надежда Валериевна, Попова Аграфена Семёновна аат. бирэмийэни — кини выпускницы, Пантилов Семен Иванович аат. бириэмийэни — Прокопьева Степанида Иосифовна, Габышева Екатерина Петровна аат. бирэмийэни, Петров Семён Андреевич аат. бирэмийэни дириэктэри үөрэх чааһыгар солбуйааччы — Никонова Татьяна Петровна, Охлопковтар дьиэ кэргэттэрин аатт. бирэмийэни Анна Аполлоновна уонна Петр Васильевич Охлопковтар, 1971 сылаах, оскуола “Үрүҥ көмүс выпуһа”, 2010 сыллаах, 2005 сыллаах выпусниктар стипендиялара туттарылыннылар.