Үҥкүү — диэн талаан, дьоҕур биир көрүҥэ, музыканы кытта эт-хаан барыта тиир тэҥник хамсаныыта. Үҥкүүһүт киһи дууһатыгар туох баарын тыла суох кэпсиир көрүҥэ буолар.
Ол курдук, бэс ыйын 6 күнүгэр, Өрөспүүбүлэкэтээҕи ”ТАБЫС” ыччат бэстибээлин чэрчитинэн ыытыллар эдэр ыччат аныгылыы үҥкүү күрэҕин көрдүбүт.
Күрэххэ уопсайа биэс хомуур хамаанда, Чурапчыттан, студенческэй этэрээт хамаандата, Кэбээйи улууһуттан, Сунтаартан уонна “Зёма” диэн эдэр ыччат холбоһуктаах хамаандата күрэхтэстилэр.
Тоҕуоруһа мустубут дьон-сэргэ дуоһуйа араас үҥкүү жанрын көрөн сөхтүлэр. Кыттааччылар джазмодерн, контемпорари, хип-хоп, хаус, брейк-данс, крамп, электро, локинг о.д.а. үҥкүүлэри билиһиннэрдилэр, дьүүллүүр сүбэ сэҥээриитин ыллылар.
Мустубут ыалдьыттар, оҕо-аймах, эдэр ыччат туора туран хаалбыталар, бу үтүө түгэн олус өйдөнөн хааллын диэн, миэстэлэриттэн туран бэйэлэрэ үҥкүүлэстилэр, дуоһуйа сынньаннылар.
Күрэх хайдах ааспытын биһиги устубут видеорепортажпытыгар көрүҥ.
Виолетта Левина, 9 кылаас, «Дьоҕур» медиакиин, Кэбээйи орто оскуолата