Бу күннэргэ Ньурба улууһун Маар орто оскуолатыгар үөрүүлээх иһитиннэриини туттубут. «Теперь сомнений нет! Мы нашли лыжников из 19 бригады!» диэн тыллаах суругу тутан олус долгуйдубут уонна үөрдүбүт.
2024 с. балаҕан ыйын саҥатыгар биир дойдулаахпыт, энтузиаст Ксенофонт Васильевич Васильев салайааччылаах «Саха сирэ-Ильмень» көрдүүр этэрээт холбоһуга — «Сонор» Сунтаартан, «Мохсоҕол» Маартан уонна Дьокуускай куораттан волонтер оҕолоро Старай Руссаҕа көрдөөбүт үлэлэрин түмүгүнэн антропологическай экспертиза оҥоһулунна уонна саха буойуттара — 19-с хайыһар биригээдэтэ буолаллара бэрэбиэркэ түмүгүнэн бигэргэннэ!

Бу сүдү улахан үлэҕэ Маар орто оскуолатын үөрэнээччилэрэ «Дьөҥкүүдэ кыталыктара» оҕо народнай фольклорнай ансамбль иитиллээччилэрэ, салайааччылара С.П. Федорова, бэйэлэрин сүҥкэн кылааттарын киллэрбиттэрэ Улуу Кыайыы 80 сылыгар олус суолталаах буолла.
Биир бэйэм Старай Руссаҕа күһүҥҥү көрдүүр үлэбит үтүө түмүктээх буолбутуттан олус үөрдүм уонна киэн тутуннум!

Ким да умнуллубат, туох да умнуллубат!
Старай Руссаҕа этэрээппит хайдах үлэлээбитин видеоҕа көрөн билсиҥ:
Камелия Яковлева, Маар орто оскуолатын 7 кыл. үөрэнээччитэ,
«Юла» медиакиин.
keskil14.ru