Ааспыт нэдиэлэ оскуолабытыгар бииртэн биир сонун тэрээһиннэринэн баай ис хоһоонноох буолла. Олунньу 2 күнүттэн саҕалаан оскуолабытыгар оҕо, төрөппүт, оскуола үлэһитэ састааптаах хамаандалар икки ардыларыгар үс күннээх Спартакиада ыытылынна. Бу күннэр устата спорт араас көрүҥнэригэр: теннис, волейбол, хабылык, хаамыска, дуобат, дартс, канат тардыһыытытыгар ыһыылаах-хаһыылаах кытаанах киирсиилэр буолан аастылар. Уопсай түмүккэ муҥутуур кыайыылааҕынан төрөппүттэр хамаандалара, иккис миэстэ оскуола оҕолоро уонна үһүс бочуоттаах миэстэни оскуолабыт үлэһиттэрин хамаандалара ситистилэр.
Олунньу 3-4 күннэригэр улууспут киинигэр Бороҕоҥҥо ыытыллыбыт национальнай многоборьеҕа сүүмэрдиир күрэххэ 11-с кылаас үөрэнээччитэ Семен Дьячковский үһүс миэстэни ылары ситистэ. Кини кулун тутарга Дьокуускай куоракка ыытыллар өрөспүүбүлүкэтээҕи күрэххэ кыттыыны ылар чиэскэ тигистэ.
Онтон наука тематыгар киирдэххэ, олунньу 6 күнүгэр Мэҥэ Хаҥаласка ыытыллыбыт Бүтүн Арассыыйатааҕы «Ларионовские чтения» научнай-практическай конференцияҕа «Животноводство» секциятыгар 33 оҕоттон Танда орто оскуолатын 7-с кылааһын үөрэнээччитэ Арсиэн Готовцев лауреат үрдүк аатын ылла.
Салгыы олунньу 6 күнүттэн оскуолабытыгар алын сүһүөх методическай холбоһугун нэдиэлэтэ саҕаланна.
Нэдиэлэ устата, былааннаммытын курдук, алын сүһүөх үөрэнээччилэригэр, төрөппүттэргэ араас тэрээһиннэр ыытыллыахтара.
Снежанна ГОТОВЦЕВА, IX кылаас,
М.Н. Готовцев аатынан Танда орто оскуолата, Уус Алдан