Муус устар 7 күнүгэр, Аан дойдутааҕы доруобуйа күнүгэр биhиги лицейбытыгар бырааhынньык ааста. Доруобуйа уонна дьарык, наука уонна технология сыла буолан «Зелёная наука» сыл аайы буолар традицияҕа киирбит экологическай хайыhар десанын ыытта.
Хадаайы күөлэ эрэллээх илиилэргэ баар
Биhиги оскуолабыт оҕолоро бу күнү наhаа күүскэ күүтэллэр, тоҕо диэтэххэ кинилэр арааhынай оонньууларга кытталларын сөбүлүүллэр уонна ону таhынан сибиэhэй салгынынан тыыналлар.
Бу сылга уөрэнээччилэр, учууталлар Хадаайы күөлүгэр дылы ханьыhарынан эрэ буолбахха, скандинавскай хаамыннан эмиэ бардылар. Бу экологическай хайыhар десант уратыта — былырыын Хадаайыга балыктар өлбүттэрин иhин аэрация акцията ыытылынна.
Бырааhынньык үөрүүлээх линейката Маркова Р. С. уонна Андросова О.П. алгыhыттан, лицей директорын Неустроев А.А. эҕэрдэ тылыттан саҕаламмыта.
Оҕолор, улахан дьон ледобур аҕалан лунка оҥордулар.
«Зеленая наука» уу пробатын ылла
Сыл ахсын ыытыллар хомуур хапсаҕай, ханьыhарынан эстафета, хаарынан сүүрү уонна уратыта диэн сааннан ытыы күрэхтэhии буолла.
Бу күрэхтэhии Дмитрий Ананьевич Петров, үc Албан Аат орденнаах, Таатта улууhун бочуоттаах олохтооҕун, 100 сылыгар анаммыт.
Призердарга, кыайыылаахтарга Тааттатааҕы государственнай экологическай надзор инспекциятын сыаналаах бэлэҕэ туттарылынна.
Биhиги инники олохпут, доруобуйабыт учугэй буоллун диэн кыра саастарыттан оҕолору доруобай олоҕу кытта билиhиннэриэххэ, айылҕаҕа үчүгэйдик сыhыаннаhарга үөрэтиэххэ наада.
Бу буолан ааспыт экологическай хайыhар десана доруобай олоххо сирдиэҕэ диэн эрэнэбит.
Охотина Эмилия, 7 «а» кылаас А.Е.Мординов аатынан Тааттатааҕы лицей үөрэнээччитэ.