Муус устар 5-6 күннэригэр Таатта улууһун Игидэй нэһилиэгэр улуус оскуолаларын үөрэнээччилэригэр уонна улахан дьоҥҥо хайыһарга комплекснай спартакиада буолан ааста.
Улуус хайыһарга спордун федерацията, Игидэй нэһилиэгин дьаһалтата уонна олохтоох оскуола коллектива бу тэрээһини иилэн-саҕалаан ыыттылар.
Күрэхтэһии аһыллыытыгар кыттыыны ыллылар хайыһар спордун улуустааҕы федерациятын бэрэссэдээтэлэ Охотин Валентин Андреевич уонна Игидэй нэһилиэгин баһылыга Захаров Руслан Алексеевич. Күрэхтэһии кылаабынай судьуйата, оскуолабыт физкультураҕа учуутала Захаров Егор Кимович.
Аныгы технологиялар олоххо киирэн иһэллэр. Быйылгы күрэхтэһии сонун көстүүтүнэн электроннай «чип» диэни туттуу буолла. Ол аата хайыһардьыт атаҕар «чип» кэтэрдэллэр. Хаһан стартаабытын, фиништээбитин көмпүүтэр көмөтүнэн быһаараллар. Маннык «чип» Алдан куоратыгар хайыһар базатыгар эмиэ туттуллар эбит.
Бастакы күн биирдиилээн сүүрүү буолла.
Кыра кыргыттарга 1 км. Барыта 6 кыыстан Ордахова Виолетта (Дэбдиргэ) — I миэстэ, Лопатина Арианна (Дэбдиргэ) — II миэстэ, Рахлеева Маша (Уолба) — III миэстэ.
Кыра уолаттарга 3 км. Тоҕус уол кытынна. Баннов Олег (Дэбдиргэ) — I миэстэ, Винокуров Коля (Уус Таатта) — II миэстэ, Лопатин Илья (Дэбдиргэ) — III миэстэ.
Кыра кыргыттар. 2 км. Уон кыыс кытынна. Антоева Ганна (Дэбдиргэ) — I миэстэ, Турнина Нарияна (Дэбдиргэ) — II миэстэ, НаходкинаТуйаара (Уус Таатта) — III миэстэ.
Улахан кыргыттар. 3 км. 8 кыттааччы. Бочурова Сайыына (Уолба) — I миэстэ, Баишева Марина (Уус Таатта) — II миэстэ, Захарова Айгуль (Дэбдиргэ) — III м.
Уолаттар. 6 км. Барыта 13 кыттааччы. Захаров Эдуард (Дэбдиргэ) — I миэстэ, Лопатин Семен (Дэбдиргэ) — II миэстэ, Капитонов Слава (Уолба) — III миэстэ.
Кыргыттар. 3 км. Барыта 11 кыыс сүүрдэ. Неустроева Лиана (Уус Таатта) — I миэстэ, Жулева Сайаана (Дэбдиргэ) — II миэстэ, Никонова Нарыйаана (Уолба) — III миэстэ.
Уолаттар. 6 км. Тоҕус сүүрбүт уолтан Рахлеев Денис (Уолба) – I миэстэ, Васильев Айаал (Дэбдиргэ) — II миэстэ, Захаров Павел (Дэбдиргэ) — III миэстэ.
Иккис күнэ эстафетаҕа Игидэй орто оскуолатын хайыһардьыт оҕолоро эрэллээхтик бастаатылар (тренер Оросин Софрон Егорович). Иккис миэстэҕэ Уус Таатта хайыһардьыттара адьас кыранан хааллылар (тренер, физкультура учуутала Кочнев Алитет Иванович). Үһүс миэстэҕэ Уолба орто оскуолата таҕыста.
Күрэхтэһиини киһи сэҥээрэр гына сырдатта өрөспүүбүлүкэҕэ киэҥник биллибит комментатор Ермолаев Петр Петровичпыт төрөппүт уола Сергей Петрович Ермолаев. Аҕатын суохтаппакка комментатордаата. Онтон кини кэргэнэ, олохтоох оскуола нуучча тылын учуутала Мария Павловна Ермолаева күрэхтэһии аһыллыытын ыыппыта.
Саха тылын учуутала, СӨ үөрэҕириитин туйгуна Ефимова Варвара Константиновна социальнай ситимҥэ маннык суруйар: «Тэрээһин хаһан баҕар базаттан уонна хайыһар суолуттан саҕаланар. Ол курдук, Дэбдиргэҕэ сыллата хайыһар базата тупсан иһэрин бэлиэтиир тоҕоостоох. Бу — нэһилиэк, улуус, Бырабыыталыстыба хайа да отчуотугар сылайары билбэккэ сындалҕаннаахтык туруорсар Софрон Егорович Оросин үтүөтэ буолар. Быйыл ханна да суох хайыһар манеһын туттаран, үлэҕэ киллэртэрдэ. Оҕолор дьарыктарыгар төһүү күүс буолла. Хайыһар базатыгар оҕолор халыҥ таҥаһы кэтэн дьарыктаналларыгар, иттэллэригэр, сынньаналларыгар анаан икки этээстээх дьиэ тутуллубута. Маны барытын оскуолаҕа дириэктэрдээн олорор кэмигэр Лопатин Виктор Васильевич сүрүннээн үлэҕэ киллэрбитэ.
Хайыһар күрэҕэр саамай улахан оруолу суолун оҥоһуута (дорожка) быһаарар. Дэбдиргэ трассата сыллата олус үчүгэйдик оҥоһуллар. Манна сүрүн үлэһиттэринэн оскуола тырахтарыыһа Жулев Гавриил Васильевич уонна сыллата илиитин араарбакка баҕа өттүнэн көмөлөһөр буран техникалаах, Алдан Кутанатыттан төрүттээх Кузьмин Руслан Васильевич».
Улахан дьоҥҥо түмүк маннык таҕыста:
Эр дьоҥҥо 6 км. Рахлеев Амос (Уолба) миэстэ, Лопатин Андрей (Дяэбдиргэ) — II миэстэ, Петров Никифор (Ытык Күөл) — III миэстэ.
Дьахталларга 3 км. Оросина Чэмэлиинэ (Дэбдиргэ) — I миэстэ, Жулева Ньургуйаана (Дэбдиргэ) — II миэстэ, Андросова Сардаана (Ытык Күөл) — III миэстэ.
Бэтэрээн дьахталларга 2 км. Тихонова Лена (Ытык Күөл) — I миэстэ, Варламова Татьяна (Чымнаайы) — II миэстэ, Жулева Ньургустаана (Дэбдиргэ) — III миэстэ.
Бэтэрээн эр дьоҥҥо. Оросин Софрон Егорович (Дэбдиргэ) — I миэстэ, Тарасенко Василий (Ытык Күөл) — II миэстэ, Алексеев Роман (Кыйы) — III миэстэ.
Нэһилиэктэр икки ардыларынааҕы комплекснай спартакиада түмүгэ: Игидэй — I м, Ытык Күөл — II м, Чымнаайы — III м.
Игидэй нэһилиэгин дьаһалтатын баһылыга Захаров Руслан Алексеевич күрэхтэһии кэмигэр улуус дьаһалтатыгар, улуус хайыһарга федерациятыгар, оскуола, КСК коллективтарыгар, тэрийсибит, кыттыбыт нэһилиэк хас биирдии олохтооҕор барҕа махтал тылларын эттэ.
— Дэбдиргэ түмсүүлээх. Ханнык баҕарар көрүҥҥэ өрүү инники күөҥҥэ буоллун. Норуот күүһэ – көмүөл күүһэ! — диэн этиитин түмүктээтэ.
Гизелла Попова,
педагог-библиотекарь,
Игидэй, Таатта.