Тохсунньу ый таҥарата — Таҥха Хаан. Биһиги итэҕэлбитинэн, кини киһи төрөөтүн кытары кинигэтигэр суругар киллэрэн, дьылҕатын быһаарар. Киниттэн туттаран таҥхаһыттар диэн баар буолбуттар. Сахаларга бастакы таҥхаһыт Сээркээн Сэһэн диэн этэллэр. Бу ыйга хараҥа бүккүрүүр, биһиги сыдьааннарбыт бит-билгэ көбөр бириэмэтэ диэн ааттыыллар. Тохсунньу 7 күнүттэн таҥха, билгэлээһин саҕаланар. Ордук тохсунньу 13-19 күннэригэр дьон уонна чараас эйгэ ыкса ситимнэһэр кэмэ диэн итэҕэл баар.
Өбүглэрбит этэллэринэн, уу иччилэрин кытары тэҥҥэ сүллүүкүннэр кэккэлэһэллэр. Кинилэр таҥханы кытары, инникини билгэлээһинниин ыксыпат ситимнээхтэр. Таҥха кэмигэр ойбонтон тахсан дьону кытары хаартылыыллар диэн кэпсэл былыр-былыргыттан баар.
Алексей Елисеевич Кулаковскай «Научные труды» диэн кинигэтигэр сүллүүкүттэри кыра абааһылар кэккэлэригэр киллэрбит.
keskil14.ru