Ахсынньы 19 күнүгэр Ил Дархан Айсен Николаев Анал этиитин СӨ Бырабыыталыстыбатыгар, Ил Түмэҥҥэ, муниципальнай тэриллиилэргэ, Саха сирин олохтоохторугар иһитиннэрдэ.Үөһээ Бүлүү улууһун Дүллүкү орто оскуолатын директора Тихон Александрович Егоров Ил Дархан этиитин кэнниттэн санаатын маннык үллэһиннэ:
— Айсен Сергеевич «Ил Түмэн» Государственнай Мунньахха туһаайан этиитигэр бу ааһан эрэр сылга ыытыллыбыт үлэ үтүө түмүктэрин иһитиннэрдэ уонна инники ыытыллар үлэ соруктарын билиһиннэрдэ.Мин бэйэм бэлиэтии, үөрэ истибит этиилэрим манныктар:
— Оскуолаларга медицинскэй үлэһиттэри төттөрү төнүннэрии, ол аата оскуола паартатыттан чөл туруктаах, доруобуйалара харысхаллаах выпускниктары иитэн таһаарыы;
-Нэһилиэнньэҕэ оҥоһуллар өҥө хаачыстыбата олорор миэстэтиттэн тутулуга суох буолуохтааҕын сэргии иһиттим. Кыра бөһүөлэк сайдыыта улахан бөһүөлэктэн уратыта суох биир тэҥ буолуохтаах. Тыа сирэ улахан оройуон кииниттэн, куораттартан уратыта суох тэҥ усулуобуйалаах, тэҥ хаачыстыбалаах буоллаҕына, сорох түгэҥҥэ үлэһит тиийбэт кыһалҕата быһаарыллыа этэ;
-Үөрэҕирии өссө биир сүрүн сорудаҕынан — төрөөбүт төрүт тылы харыстааһын буолар. Билиҥҥи балысханнык сайда турар олоххо уһуйаан эрдэхтэн оҕону төрөөбүт тылынан иитии сытыытык турар. Интернет ситимигэр билигин сахалыы ойуулуктар тахсаллара ийэ тылбытын хараанныырбытыгар күүс-көмө буолла диэн бэлиэтиибит. Тыа оскуолата сахалыы төрүт үгэстэри тутуһан үөрэнээччини иитэр-такайар;
Айсен Сергеевич олохтоох бэйэни салайыныы уорганнара орто анал үөрэх кыһаларын салайааччыларын кытта профильнай үөрэхтээһин систиэмэтин улуус, олорор сир экономичсескай уратытыгар олоҕуран оҥороллоругар сорудаҕы биэрдэ. Урбаанньыттартан олохтоох нэһилиэнньэ олоҕун-дьаһаҕын таһыма тутулуктааҕын бэлиэтээтэ.
Үбүлүөйдээх, өрөгөйдөөх 2025 сылы Ил Дархан өрөспүүбүлүкэҕэ Ийэ дойдуну көмүскээччи сылынан биллэриинэн Ил Түмэҥҥэ туһаайан этиитинэн түмүктээтэ.
Алина Санникова,
X кылаас,
«Эрчим» медиакиин,
Дүллүкү, Үөһээ Бүлүү