Тирэхтээхтик сайдыы V Хотугу форумун чэрчитинэн оҕолорго «Арктика — территория сотрудничества» диэн бүтүн Россиятааҕы конференция буолан ааста. Конференция барыта аҕыс хайысханан тэрилиннэ. А.Е. Мординов аатынан Тааттатааҕы лиссиэйтэн уопсайа алта оҕо кытынна, ол иһигэр мин. Конференция уратыта диэн үлэҕин англия тылынан көмүскүүгүн. Мин 2022 сылтан чинчийэр темабын англия тылынан кэпсээн, экспертэр ыйытыктарыгар хоруйдаан 1 миэстэ буоллум.
Үлэбин «Кэскил» конференциятыгар быйыл кэпсээбитим олус көмөлөстө. Үлэм сүнньүнэн бастаан туой иһиттэри оҥорорго үөрэммитим, онтон төрүччүбүн чинчийбитим, туойдьут аймахтарбын билбитим.
Алеша Дорофеев, 7 кылаас үөрэнээччитэ,
Таатта лиссиэйэ