Саха Республикатын бастакы Президенэ М.Е.Николаев дьаһалынан 1996 сыл олунньу 13 күнэ. » Төрөөбүт тыл уонна сурук-бичик» күнүнэн ааттаммыта.
Бу күн тыл үөрэхтээҕэ, учуонай саха оскуолата, үөрэҕэ сайдыытыгар улахан кылаатын киллэрбит С.А. Новгородов төрөөбүт күнүн кытта ыкса сибээстээх. Кини «Сахалыы сурук-бичик» диэн кинигэтиттэн саҕалаан, сахалыы ааҕар- суруйар буолбуппут. Саха норуота хараҕа сырдаабыта.
Ити кэмтэн ыла сыл аайы бүтүн өрөспүүбүлүкэ үрдүнэн төрөөбүт тыл уонна сурук — бичик күнүгэр араас таһымнаах тэрээһиннэр буолаллар. Саха дьоно сүргэбит көтөҕүллэр, санаабыт сайҕанар.
Биһиги оскуолабытыгар ити күнү үөрэ -көтө бэлиэтиибит. Саха поэттарын хоһооннорун оскуола оҕото барыта дорҕоонноохтук аахтыбыт. Сахалыы таҥнан кэлэн оһуокайдаан ойдубут. Ийэ тылбытын төһө билэрбитигэр, латыын алпаабытынан ааҕыыга билиибитин тургутан көрөр күөн күрэстэр оскуола бары оҕолоругар, учууталларга ыытылынна.
Саха тыла олус баай. Тыл баар буолан, омук баар. Төрөөбүт тылбытын саха омук киһитэ барыта билиэхтээх. Сахалыы саҥарарбыт, кэпсэтэрбит омук буоларбытын көрдөрөр.
Төрөөбүт төрүт тылбытын харыстыаҕыҥ, таптыаҕыҥ!
Колодезникова Вика, Слепцова Катя, Тимофеева Сандра,
М.Н. Готовцев аатынан Танда орто оскуолатын 8 кылаас үөрэнээччилэрэ.