Төрөөбүт тыл, сурук-бичик күнүгэр аналлаах оскуола иһинэн ыытыллар күрэхтэрбит «Аман өс» уонна «Уоланнар ааҕыылара» буоллулар. «Аман өс» күрэххэ 8-11 кылаас кыргыттара үс омук тылынан санааларын сайа эттилэр. Бэриллибит темалар: «Төрөөбүт дойду», «Төрөөбүт тыл», «Үлэ сыла». Манна алта кыыс кытынна. Кыайыылааҕынан 8 кылаас үөрэнээччитэ Винокурова Жанна буолла.
Оттон «Уоланнар ааҕыыларыгар» 17 уол саха поэттарын хоһооннорун, поэматтан быһа тардыылары аахтылар.
Оҕолорбут төрөөбүт тылларын таптыы, билэ, харыстыы улааталларыгар туһуламмыт тэрээһиммит сыалын ситиэ диэн эрэнэбит.
И. Ноговицына,
Орто Халыма, Өлөөкө-Күөл б.