Алтынньы 10 күнүгэр, Саха АССР 100 сылыгар анаммыт быыстапкаҕа кылааһынан үөрэҕи таһынан тэрээһиннээхтик экскурсияҕа сырыттыбыт. Онно Саха АССР хайдах тэриллибитин, өрөспүүбүлүкэни төрүттээбит түөрт саха чулуу ыччаттарын тустарынан сэргээн иһиттибит. Кинигэ быыстапкатын, «Моя Якутия» мультфильмы кэрэхсээн көрдүбүт. Салгыы, коллекционер Владислав Коротов биһиэхэ жетон коллекцияларын, кинигэлэрин, интэриэһинэй малларын көрдөрдө. Умсулҕаннаах викторинаҕа кытынныбыт. Кыайыылаахтар өйдөбүнньүк бириистэргэ тигистилэр. Быыстапкаҕа сылдьан астынныбыт, элбэх саҥаны биллибит.
Төрөөбүт дойдубут — төлкө түстэнэр биһигэ буоларын өссө биирдэ өйдөөтүбүт. Сахабыт сирэ сайдарын, чэчириирин туһугар үөрэниэхпит, сайдыахпыт. Тэрийээччилэргэ барҕа махталбытын тиэрдэбит!
Айаана Петрова, VIII «г» кылааһын үөрэнээччитэ, 20 №-дээх оскуола, Дьокуускай