Учуутал – биһиги олохпут аргыһа, үтүөҕэ үөрэтэр күндү киhи. Учуутал оҕолору ааҕарга, суруйарга үөрэтэр, билиини-көрүүнү биэрэр.
Мин маҥнайгы учууталым Саргылана Егоровна Крылова. Маҥнайгы учууталбыт биhигини ситиhиилээх дьон буоларга туох баар санаатын, кыаҕын биэрэн туран үөрэппитэ. Ол курдук, араас тэрээhиннэргэ, күрэхтэргэ ситиһиилээхтик кыттарбыт. Алдан эбэбит биэрэгэр турар бөһүөлэкпитин истиҥник таптыырга, ытыктыырга элбэх үлэни ыыппыта. Алын кылааска ылбыт билиибитин ыһыктыбакка, билигин номнуо ахсыс кылаас үөрэнээччилэрэ буола оҕустубут. Оскуола, нэһилиэк уонна улуус ыытар тэрээhиннэригэр көхтөөхтүк кыттабыт. Быйыл Саргылана Егоровна кылаас салайааччытынан анаммытын истэн, олуһун үөрдүбүт. Кини биһиэхэ күүстээх өйөбүл, тирэх буолуо диэн эрэнэбит. Биһиги Саргылана Егоровнаҕа учуутал күнүнэн туох баар кэрэни, дьолу уонна чэгиэн доруобуйаны баҕарабыт.
Сардаана Варламова,
VIII кылаас,
Г.В.Егоров аатынан Хара-Алдан
орто оскуолата,
Таатта
1
Наһаа да үчүгэй истиҥ суруйуу.