Олунньу 9-21 күннэригэр «Бэс чагда» оҕолору сынньатар уонна чэбдигирдэр киинигэр «Саас» медиа-форум чэрчитинэн эдэр кэрэспэндьиэннэр симиэнэлэригэр сынньанан, элбэххэ үөрэнэн, бириэмэбин туһалаахтык атааран кэллим.
Симиэнэбит түмүктүүр киэһэтигэр «Кэскил» оҕо бэчээтин кыһатын дириэктэрэ Ольга Ивановна Семенова оҕолорго баҕа санаатын эппитэ уонна боччумнаах сорудаҕы биэртэлээбитэ. Кэлэн иһэр Аҕа дойдуну көмүскээччилэр күннэригэр анаан, анал байыаннай эпэрээсийэҕэ сылдьар байыастар дьиэ кэргэттэригэр «Кэскил» оҕо бэчээтин кыһата бэлэмнээбит ас-үөл наборун туттарыахтаахпыт. Хас биирдии хаамаандаҕа биирдии үтүө санаа дьааһыгын туттартаабыттара.
Мин иккис нүөмэрдээх «Өрөгөй» хамаандаттан эппиэтинэс ылан, Бүлүү куоратыгар илдьэ кэлбитим. Аҕа дойдуну көмүскээччилэр күннэринэн «Кэскил» хаһыат аатыттан биэс оҕолоох анал байыаннай дьайыыга сылдьыбыт Владимир Никифорович Томскай дьиэ кэргэнигэр туттардым. Владимир, Ирина Томскайдар сүрдээҕин үөрдүлэр, «Кэскил» оҕо бэчээтин кыһатыгар махталларын тиэрдэллэр.
Ийэ дойдубутун көмүскүү сылдьар дьоммут дьиэ кэргэнигэр болҕомтолоох, үтүө сыһыаннаах буолуоҕуҥ.
Джулианна Дорофеева, VIII кылаас,
И.Л. Кондаков аатынан Бүлүү гимназията